Апартмани во Пехчево идеални за истражување на регионот

Ни доаѓаат многу слободни викенди во текот на летото. Без разлика дали ќе го поминете вашиот летен одмор на езеро, море или пак можеби океан, секогаш ќе се најде слободен викенд за да го посетите Пехчево, макар и на два дена.

Без разлика што станува збор за мал град, Пехчево има многу што да понуди. Овој регион е идеален за активен туризам, почнувајќи од планинарење, велосипедизам по велосипедските патеки, посета на пехчевските водопади, истражување на планината Кадиица или пак посета на Беровското езеро кој е на 10 километри од сместувањето. Пехчево е одлично за семејни викенди, место каде вашите деца ќе бидат физички активни и ќе ги наполнат батериите.

Во базата на Кајак.мк од денеска е присутен и домаќинот Ѓорѓи, чии апартмани се идеално дизајнирани да ви дадат до знаење дека вие се наоѓате во планински град.

Ѓорѓи вели дека престојот во апартманите е со вклучен доручек. Она што го прави уникатен престојот е самиот доручек бидејќи е исполнет со традиционална храна и локални намирници кои растат на ова поднебје. Ако има што кое треба да се проба е секако пехчевското сирење кое се служи за време на доручекот. Наш совет е да го посетите Пехчево и да ги наполните батериите со вкусната локална храна. 

Објектот со кој располага Ѓорѓи има шест соби од кои четири се двокреветни, а две се апартмани за семејство или четирикреветни.

Доколку сакате повеќе информации од апартманите, фотографии, цени и контакт, кликнете ОВДЕ.