Етно куќа со гостински соби во село Рамне достапни за престој

Денеска имаме повеќе убави четива кои ги споделуваме со вас, а сите три четива се поврзани со уникатни сместувања кои се наоѓаат на симпатични надморски височини каде ветрето и ноќите имаат улога да го изладат насобраниот работен стрес од сите нас.

Среќни сме што нашите локални херои „Пирустија Неданоски“ за кои сме пишувале доста, од денеска имаат уникатно сместување во новите етно гостински соби во село Рамне.

Домаќините се потрудиле да ја зачуват автентичноста на старата куќа, а да ги вметнат сите неопходни елементи кои ќе ви го овозможат престојот пријатен. Реновирано купатило, нов под над кој виснат страри симболични елементи, широки прозорци кои лесно ја внесуваат природната светлина внатре, какои традиционален дрвен балкон на кој можете да го пиете вашето кафе слушајќи го звукот од птиците.

Сместувањето се наоѓа во Националниот Парк Галичица. Околината е чиста, со богата природа и изобилува со многу вода. Во текот на летната сезона може да најдете многу бобинки и овошки, може да прошетате низ селските ливади, градини и лозја.

Вљубениците на добриот залак треба да знаат дека домаќините се дел од нашта база на „Гастрономија“, а кои се вистински мајстори кога станува збор за подготовка на домашна традиционална храна од локален и сезонски зеленчук и овошје.

Оние пак љубопитните кои сакаат да го истражат регионот, треба да знаат дека во околината се наоѓа црквата Св. Илија, манастирот Св. Атанасија, Хидроцентралата која може да се посети, шума со обележани пешачки и велосипедси патеки. Исто така недалеку од овде се Летничките извори, месноста Поник, селото Велестово по селски пат како и селото Велгошти по селски пат.

Природата која го голта селото претставува воздушна бања, на само 3.5 километри од Охрид кој јасно се гледа заедно со езерото.

Доколку сакате повеќе информации за сместувањето, фотографии и контакт за резервација, кликнете ОВДЕ.