17.02.2020
Зошто сите патуваат на Малта?
Зошто сите патуваат на Малта?
Малта- Мал остров со илјада лица
Република Малта е островска држава сместена во срцето на Средоземното Море. Со извонредното сончево време, атрактивните плажи, ноќните забави и нејзината историја долга повеќе од 7000 години, таа е често посетена дестинација во секое време од годината, а посебно во пролетниот и летниот период.
Составена е од три населени острови- Малта, Гозо и Комино.
Малта е најголемиот остров од групата Малтешки острови. Брои околу 500.000 постојани жители, а нејзината површина е само 315 квадратни километри, па тоа ја прави една од наjнаселените земји во светот.
Втор остров по големина е островот Гозо, кој е олицетворение на богатата Малтешка историја. Неговиот шарм ги примамува посетителите да го посетуваат и да се восхитуваат на неговата традиција и руралност. Главен град на Гозо е градчето Викторија кое е прекрасно место за уживање и релаксација.
Најмалиот остров е Комино, кој е голем само 3 квадратни километри. Познат е по егзотичната плажа на која за да стигнете треба да фатите брод. Ова мало островче не е населено, но има еден хотел во кој се сместуваат туристите кои сакаат да уживаат во приватноста.
Островите меѓу себе се поврзани со одлични траектни линии, а недалеку од нив е и прекрасната Сицилија која исто така може да ја посетите со еден од бродовите.
Службени јазици во Малта се малтешкиот и англискиот, но голем дел од населението го користи и италијанскиот.
На Малта има многу нешта кои вреди да се посетат и доживеат. Доколку се одлучите да ја посетите оваа пролет за Велигден, ние ви предлагаме неколку најпознати знаменитости кои ќе ви го одземат здивот и ќе го направат вашето патување незаборавно.
Најпрво на листата е секако главниот град на Малта- Валета. Таму се наоѓаат бројни знаменити градби кои датираат од 16. Век и се изградени во различни уметнички стилови меѓу кои доминира барокот, а функционалните и неокласичните градби се повеќе присутни во населбите обновени по втората свестка војна.
Во центарот на градот се наоѓа најголемата катедрала на Малта- St.John изградена во 1572 година, во која можете да ги видите најголемите дела на Caravaggia.
Исто така задолжителна е и посетата на Палатата Auberge de Castille или палата на малтешките витези која денес е седиште на претседателот на владата.
Тоа што денес претставува Валета, некогаш била Мдина- поранешниот главен град на Малта.
Мдина или Citta Vecchia е средновековен град кој е опкружен со ѕидини. Се наоѓа во среднишниот дел на островот и го нарекуваат Тивкиот град во кој живеат само околу 300 жители. Мдина е позната по изработка на стакло од каде всушност потекнува Mdina Glass Malta- едно од најпознатите и најквалитетните стакла во светот. Прошетката низ градчето е уживање за сите оние кои сакаат да ги избегнат гужвите и да уживаат во тивките улици.
По прошетката низ градот неизбежно е да се посети и најубавото, рибарско село во Малта наречено Marsaxlokku во кое преовладува идилична атмосфера и каде што шарените куќички прават спектакл од бои кои од далеку изгледаат како уметничко дело. На секој чекот ќе видите рибари како ловат риби со големи мрежи, а во неделите ги продаваат на рибен пазар каде секој кој е љубител на риба, може да го посети. Долж морската обала се наоѓаат голем број на кафулиња и ресторани од каде ќе уживате во прекрасното зајдисонце.
Една од најпознатите атракции на Малта е познатата “Модра пештера“ или оригилано “Blue Grotto” која е низа од неколку природни пештери до која се стига со брод или доколку сте авантуристи, со глисер. За најхрабрите, љубители на адреналинот предлагаме и кратко пливање низ нејзе.
Ако сте љубители на археологијата непропуштајте да ги посетите и археолошките паркови Hagar Qim и Mnajdra кои се едни од најстарите храмски и религиски комплекси во кои е основан култот на плодноста.
За гурманите кои сакаат да екпериментираат со вкусовите и да искусат дел од Малтешката кујна освен, свежата риба и морските плодови предлагаме да го пробаат и најпознатиот специјалитет – зајачко месо. Го има во најразлични варијанти, но едно од најпознатите е Fenek-bit tevn или зајак во вино.
Овој Велигден е вистинско време да ја посетите Малта и да уживате во пролетта на медитераснки начин.
ТЕКСТОТ Е ПРЕЗЕМЕН ОД: https://www.savanaonline.com/show.cfm?id=2023
Блог
Препораки
Прочитајте повеќе
Вапцување јајца на Велики Четврток – традиција и значење
Откријте ја традицијата на вапцување црвени јајца на Велики Четврток во Македонија – значење, обичаи и совети за здраво и еко-пријателско вапцување јајца.
Велигденско патување полно автентични вкусови и приказни
Доживејте уникатно Велигденско патување со автентични вкусови, локални традиции и незаборавни искуства кои оставаат трајни спомени.
Велигден во Македонија: традиции, автентични обичаи и празнични активности
Истражете како се слави Велигден во Македонија, традиционалните обичаи, локалните специјалитети и активности за незаборавен празничен викенд.
Пролетни пикник дестинации во Македонија – Скриени бисери за оваа сезона
Откријте ги најдобрите пролетни пикник дестинации во Македонија. Од Козјак планина, до езера, автентични села, уживајте во природата, свежиот воздух и традиционални специјалитети оваа пролет. Идеално за фамилии, пријатели и романтични моменти!
Франција – Дестинација која мора да се види во 2026 година
Не ја пропуштајте шансата да ја доживеете магијата на Франција оваа година! Франција е земја која плени со својата романтика, култура, историја и гастрономија. Во 2026 година, таа продолжува да го привлекува вниманието на туристите од целиот свет, нудејќи безброј искуства за сите типови патници – од љубителите на уметност и историја, до авантуристите и гурманите.
2 Април – Светски ден на аутизмот: Подигнување на свеста и прифаќање
2 април е Светски ден на аутизмот. Дознајте повеќе за свеста, прифаќањето и поддршката на лицата со аутизам.