Еко предлог за неработниот понеделник: Посетете го Елен Скок!

Понеделникот е неработен ден за сите, а голем дел од луѓето коишто се активни туристи и авантуристи се останати во своите домови поради зголемувањето на бројот на заразени од „Ковид-19“. Тимот на Кајак.мк знае дека секој од нас заслужува да го искористи неработниот ден за патување некаде, па затоа ние имаме еден добар еко-совет преку кој нема да дојдете до контакт со други луѓе.

Ова фотографија е направена од Виктор Лазаревски кој на својот инста профил е познат по своите авантуристички патувачки фотографии. 

Можеби се прашувате за тоа што е „Елен Скок“, но и каде се наоѓа?

„Елен Скок“ е историски мост кој се наоѓа во селото Могорче во областа на Дебар. Овој мост е поставен на Мала Река, а стои како украс уште од самото време кога е поставен.

Мостот се наоѓа на патот кон малореканските села Лазарополе, Гари и Тресонче. Изграден за време на османлиската империја, а според одредени историчари овој мост е лоциран на еден од краците на Виа Игнација.

wikimedia.org

Има многу приказни за тоа како е изграден овој мост. Најпозната приказна е за еленот кој при лов бил тешко ранет од страна на еден турски ага. Но и покрај смртните повреди успеал да ја прескокне Мала река и да пребега од спротивната страна. Согледувајќи ја храброста на ова животно како и неговата желба и борба за живот, агата наредил на истото место да се изгради мост во форма на Еленски скок.

Освен мостот, ова е можеби и одлична опција за сите велосипедисти и планинари. Постои маркирана планинарска патека до с. Сушица. Оваа патека од Сушица продолжува кон Галичник, Тресонче или Лазарополе која може да се помине пеш или со велосипед

При обиколката можат да посетите уште неколку музеи и културно историски објекти.