Предлог викенд гастро дестинација: Етно ресторан Марков Манастир

На околу дваесеттина километри од Скопје пред самото село Маркова Сушица се наоѓа етно ресторанот Марков Манастир. Идеална гастро дестинација за жителите на Скопје во текот на летните жешки денови! Одличната надморска височина, густата шума и прекрасната природа ќе го направат вашиот оброк повкусен за разлика од дома.

За оние кои ќе се одлучат да го посетат етно ресторанот, треба да имаат предвид дека самото село и регионот се познати по Марковиот манастир кој е сместен во живописен пејсаж, а кој манастир е изграден во средината на четиринаесетиот век од страна на македонскиот владетел Крале Марко.

Ресторанот и манастирот може да ви бидат одлични попатни дестинации за една прекрасна викенд тура која можете да си ја организирате.

Точната локација и контакт за резервации можете да најдете со еден клик ОВДЕ, а за сите оние кои ќе се одлучат да го посетат ресторанот, нас совет е да вкусат домашна пита, пинџур, домашен колбас, тава „Марков Манастир“, ребро во фурна и месо со праз.

Ресторанот постои 15 години, а во изминатите 3 години со него раководат нови менаџери.

Контакт за резервации и точна локација можете да најдете со еден клик ОВДЕ.