Вила на Горна Белица на 1420 метри надморска височина достапна за изнајмување

Талкајќи и копајќи по интернетот, случајно налетавме на една прекрасна вила која се наоѓа на Горна Белица. Село кое секој би сакал да го посети, а сигурни сме дека малкумина од вас слушнале за селото. 

Горна Белица е лоцирана на 12км северо-западно од градот Струга.Се наоѓа на 1500 надморска височина. Селото е планинско и се наоѓа на планината Јабланица. Може да се пристигне со автомобил,велосипед и друго превозно средство или искачувајќи се пеш од Вевчани.

Вистинско место за рурален одмор и за природно ослободување од стрес. Недопрената природа, прекрасните пејзажи, прекрасните погледи кон планините, свеж воздух и изворска вода се вистинско уживање и релаксација. Извонредно место е и за авантуристи, планинари, велосипедисти.

Природна убавина која плени, борова и букова шума, чист планински воздух и единствена можност кога ќе се разбудите наутро првиот поглед да ви падне на Охридско Езеро. Ова го нуди селото Горна Белица, викенд-населба и воздушна бања.

Во селото се наоѓаат повеќе објекти кои се достапни за изнајмување. Нашиот тим ќе се потруди во наредниот период да ве запознае со сите. 

Денеска ве запознаваме со „Villa Bella di Supra“. Вилата има прекрасен поглед на планина, пријатен камин на дрва, 3 спални соби, 1 бања и 1 тоалет.