Хотел со прв инитимен и приватен театар во Македонија ги воодушевува своите гости со автентичноста

За луѓето кои бараат автентични сместувања во Македонија и за оние кои во текот на летната сезона ќе имаат гости од странство, нашиот тим ги советува да го посетат хотелот „Театар“ во Битола.

Изграден во стил на национална архитектура и лоциран во самиот центар на Битола, овој мал и семеен хотел настанува како идеја за промоција на македонската култура, архитектура и традиција.

Домаќините кои ни ги отворија вратите на хотелот велат дека под ист кров функционира и првиот независен приватен театар во Македонија, кој има сопствен простор и редовен репертоар. Истиот простор на театарот, со површина од 100м2 може да се користи како повеќенаменска сала за состаноци, конференции и предавања.

Хотелот привлекува со топлата домашна атмосфера, амбиентот во традиционален стил, исклучителната љубезност на персоналот и можноста на гостите да дојдат со своите миленици. Во склоп на просторот на хотелот се организираат и оброци (ручек/вечера) со кетеринг услуга во самиот двор на хотелот кој е приказна за себе и која овозможува пријатни седенки на отворено.

Хотелот има 10 соби, 5 апартмани и староградска куќа или со еден збор вкупно 43 легла. Повеќе информации за хотелот можете да најдете во базата на Кајак.мк или со еден клик ОВДЕ.