Престојувајте во вила на 1600 метри надморска височина

Уште едно уникатно сместување за луѓето вљубеници во планината, активниот туризам, планинарењето, чистиот воздух и добрата храна. Домаќините кои прифатија да ги отворат вратите за патувачите на Кајак.мк велат дека вилата е идеално место за одмор во потполно мирно и зелено опкружување на сончевата падина под врвот Љуботен. Домаќинската атмосфера во вилата и мирот кој зрачи претставуваат идеално место за сите кои бегаат од секојдневниот и брзиот ритам на живот во поразличен и поопуштен свет. Мирот и незаборавниот поглед во текот на сите годишни времиња ги привлекува гостите, велат домаќините.

До вилата се стигнува од Тетово до Старо Село по асвалтен пат, а од Старо Село до домот по макадам пат и маркирана патека која започнува од информативната табла во селото. Што значи дека доколку сакате да престојувате овде и да уживате во апсолутната слобода, ве чека доста авантуристички пат. Вилата се наоѓа на 1600 метри, истата е комплетно опремена почувајќи од паркинг, четири спални соби, три купатила, две кујни, две трпезарии и дневен престој со TV. Со еден збор се што е потребно.

Во оваа вила, утринското кафе може да го пиете во друштво со планините, под дебела сенка да се ладите со егзотичен коктел, а кога вечерате, над вас моќно ќе бдее Љуботен.

Доколку сакате повеќе информации за сместувањето, фотографии и контакт за резервација, кликнете ОВДЕ. За оние кои им ги разгоривме страстите да го посетат, а можеби и искачат врвот Љуботен треба да знаат.

Љуботен е висок 2499 мнв. Иако не е највисок врв на Шара, поради своите црти и поради издвоеноста од другите, тој е највпечатлива шарпланинска точка, и еден од најубавите врвови на Шара. Поради својот облик на пирамида, и поради својата забележливост од сите страни и од поголеми далечини, за Љуботен се искористени многу епитети – тој е моќен, грамаден, величествен, импресивен, кршен, горд, волшебен...Ова доволно зборува за него. Од исток и југ тој е богат со шума, а над самиот шумски појас од двете негови страни се простираат големи пасишта. По неговите висини се движи царот на висините и неговиот чувар Љуботенскиот див јарец.

На југозападната страна, веднаш под врвот, се наоѓа најголемиот каменест варовнички сипар на Балканот во Македонија и пошироко, а во него се издигнува величенствената Козја Карпа.

Од Љуботенскиот масив се формираат неколку реки: Јажиначка, Страшка, Глобочичка, Љуботенска, Мала Река итн... Под самиот врв, се наоѓа и туристички објект – односно ВИЛАТА ЉУБОТЕН. Од овој објект, искачувањето до самиот врв трае околу 2 ипол часa. Треба да се спомене дека од овој објект односно ВИЛАТА, освен за до врвот Љуботен, е стартна точка и кон Ливадичкото езеро.