Резервирајте ја планинската кoлиба „Царевец“ на Маврово каде што трае зимата!

За сите љубители на планината, снегот и планинските спортови, Кајак.мк им ја препорачува Mountain Hut Carevec / Царевец Планинарски Дом која од денеска ја додаваме во нашата база.

Овој #cool објект се наоѓа во националниот парк Маврово. Објектот располага со 15 легла, од кои 12 во „дормитори“, три во приватно студио/апартман, а во текот на летото може да се постават безброј шатори. 

Кајак.мк со задоволство ви го препорачува местото, од причини што самите сопственици коишто работат со него, се пример за тоа како треба да функционира менаџментот на секој сместувачки капацитет во државата. Друштвени, комуникативни, млади и образовани. Владимир и Соња велат дека ова професија треба пред се да ја сакаш и да живееш со неа, а таа сама по себе ќе се развива во позитивна приказна.
 
(Фотографијата е направена пред пандемијата со Ковид-19)

Тие велат дека цел на постоењето на ваква колиба е да ги запознаат гостите кои се претежно странски туристи, со нашата културата, традицијата и историјата. Советите за тоа како да се помине квалитетно време во националниот парк Маврово ќе ги добиете од нив.

Владимир вели дека тие го живеат Маврово 365 дена во годината, според него само така ќе може да се понуди квалитетна услуга на гостите. Во зависност од сезоната може да се ужива во скијање, планинарење, планински велосипедизам, кајакарење, јавење коњи и друго. 

И двајцата се обучени планински водичи, а Владимир е исто така лиценциран ски инструктор според интернационални ИСИА стандарди.

Тие велат дека нивното постоење во НП МАВРОВО е атракција сама по себе, доволно за да се одлучи еден турист своето време за одмор  да го помине заедно со нив и со тоа што имаат тие да го понудат.