Теохарис: Се стремиме границите во јули да бидат отворени за туристите

Атина, 24 април 2020 (МИА)– Се стремиме да можеме да отвориме во некој момент во јули. Ова, не може да биде се сите земји, за сите дестинации, го признавам тоа, но би требало барем да се обидеме да отвориме билатерална комуникација и патувања со некои земји, вели министерот за туризам на Грција Харис Теохарис во интервјуто за „Би-би-си“, јави дописничката на МИА од Атина.

Тој објасни дека за отворањето на границите, постои дискусија со здравствените експерти, кои ќе го имаат последниот збор.

(ЧИТАЈ ПОДОЦНА: Милано ќе го „ремонтира“ патниот систем за да добие повеќе велосипедисти)

Сега сме во процес на разработка на протоколите кои ќе бидат доставени до експертскиот комитет и се надеваме дека ќе ни дадат одобрение постепено да отвораме, рече грчкиот министер.

Теохарис во интервјуто објасни дека грчкиот туризам по првите два месеци од годинава со раст од 24 отсто, од март до сега е целосно запрен и изрази надеж дека ќе може да се спроведат безбедни здравствени процедури, односно заедничка рамка на правила „кои што ќе дозволат или на билатерално или на европско ниво да се патува и да се оди на некаков вид на одмор“.

Извор: https://mia.mk

МОЖЕ ДА ВЕ ИНТЕРЕСИРА:

Група жени во Венеција доставуваат храна преку гондола

Милано ќе го „ремонтира“ патниот систем за да добие повеќе велосипедисти

Виз Ер најавува дека од 17 Мај повторно ќе лета од Скопје

Можни се здравствени пасоши за летување во Грција: Задолжително тестирање