Викендица на Матка во близина на реката Треска

Опколени со зеленила, прекрасна природа и активности во неа, добро друштво, пиво и целодневен лаф-муабет. Ова е добитната комбунација за многу патувачи скоро секој викенд.

Затоа тимот на Кајак.мк настојува повеќето сместувања да ги нудат ваквите комбинации, како би ви обезбедиле уште една опција за викенд скривалиште.

Со ова четиво нема да ве оведеме далеку, но ќе ви докажеме дека околината на Матка нуди уникатни сместувачки капацитети кои може да бидат ваш привремен викенд дом.

Денеска во нашата база ја додаваме „Вила Јованов“ која се наоѓа на влезот на викенд населбата Долна Матка, по самата автобуска станица на 40 метри низ капијата.

Ова куќа е поставена изолирано од другите куќи и се наоѓа во прекрасна природа. Самиот поглед од куќата е насочен дирекно во планината Водно, а на само 40 метри пред куќата тече реката Треска до каде може да се сригне од самата куќа.

Домаќинот Иван кој ни ги отвори вратите за светот на Кајак.мк вели дека ова куќа е наменета за викенд посети, но има можност и за подолготраен престој. Идеална е за оние кои работат од дома бидејќи делува смирувачки и има прекрасен двор и амбиент, а за преку зима, вилата има камин кој дава посебна топлина.

Близината на реката Треска создава постојан шум кој заедно со целокупната природа создава нестварен амбиент.

Повеќе информации, фотографии и контакт за резервација, можете да најдете со еден клик ОВДЕ.