Нашата винска куќа во Струга има автентична приказна

Шетајќи се низ старата струшка чаршија, тимот на Кајак.мк наиде на еден доста уникатен објект кој останал да му другарува на минатото. Надворешната уникатност на објектот не примами да ја истражиме внатрешноста и дознаеме со каква приказна се “соочува“ домаќинот.

Главната влезна врата на објектот е доста уникатна, а внатрешното приземје нуди топол пречек на гостите. Со самото влегување во куќата ќе се соочите со микс од разни мизири кои се шират од сите страни. Објектот има повеќе простории за дружење. На самиот влез на куќата го запознавме Цветко, домаќинот кој ни ја раскажа приказната за винската куќа која и дава пулс на струшката чаршија.

Цветко нѐ запозна со самиот објект и ни ја раскажа приказната за која се надеваме дека ќе имате прилика да ја доживеете на лице место.

Денес, старата автентична винска куќа во Струга има задача да го промовира македонското вино од малите семејни винарии. Цветко вели дека како љубител и производител на добро вино одлучил да создаде место каде вљубениците на виното ќе може да уживаат во амбиент кој е во склад со виното. Па од тие причини тој започнува соработка со повеќе мали семејни винарии, а покрај останатите нуди и сопствено домашно вино произведено под на струшкото поднебје.

Овде можете да најдете широка палета на вина и ракии, алкохолни и безалкохолни пијалоци, разно висококвалитно сирење и кашкавал од италијански производители, како и гурмански пршути и салами.

Работното време на винската куќа во Струга е секој ден од 14:00 до 24:00 часот, а повеќе информации за контакт телефон и локација можете да најдете во нашата база на гастрономија или со еден клик ОВДЕ.