Викендица со базен на Марков манастир

Во базата на Кајак.мк додаваме уште една вила која се наоѓа на Марков манастир. Домаќините на викендицата Лидија велат дека гостите најчесто бараат опција за изнајмување на дворот на вилата со базен за организирање на семејни свечености, но има и такви патувачи кои сакаат да ја изнајмат вилата на неколку дена за одмор или он-лајн работа.

Вила Лидија е идеално место за вас и вашата фамилија, вашите пријатели или друштво доколку барате место каде ќе можете да побегнете од градскиот метеж и бучава, а сепак да не сте многу далеку од градот. Одалечена е 18 километри од Скопје и нуди одлично место за одмор и рекреација, чист воздух, мир и тишина, место каде ќе можете да се разладите во базенот, да направите скара во фурната, испиете пијачка на шанкот во дворот.

Во самиот двор на викендицата се наоѓа детско катче и лулашки на кои може да се забавуваат вашите деца додека вие го пиете кафето.

Регионот каде што се наоѓа викендицата е познат како излетничко место за скопјани. За оние кои не слушнале за овој манастир. Марков манастир е православен манастир кој се наоѓа јужно од селото Маркова Сушица, по долината на Маркова Река на нејзиниот лев брег, на 20 км од Скопје. Манстирот е активен и во денешно време, а во него суштествува женско монашко сестринство. Во самиот манастир се наоѓа црквата Св. Димитрија и импозантната камбанарија.

Фото: Bijonse на Wikipedia

Ова е уште еден одличен предлог од тимот на Кајак.мк за пролетно бегство во природа зарем не? Од внатрешноста на вилата ќе добиеме фотографии наскоро, но доколку ве интересира за капацитетот, цената и контакт за резервација, кликнете ОВДЕ.