Флексибилен престој во Неа Флогита

Со отварањето на границите, започна да се проширува и базата на Кајак.мк со приватни флексибилни сместувања во Грција и Црна Гора.

Од денеска како дел од нашата база се „Infinity Apartment“ кои се наоѓаат во Неа Флогита на 50 метри од морето.

Во околината на апартманот се наоѓаат најпознатите плажи во Флогита како за млади со забави, коктели и вкусна храна (Pastazi) така и за фамилии со мали деца (Razmataz) каде водата е плитка на првите 7-10 метри  и децата безгрижно би можеле да играт. Позади уличката каде што се наоѓа апартманот има супермаркети  и месара која приготвува печено месо (пилешко, секаков вид на скара и сл.). А навечер тука се и рестораните со вкусна морска храна.

Апартманот е совршен за две фамилии секоја со 1-2 мали деца, каде комотно би уживале во секое катче, кое е дизајнирано со многу љубов и колорит кој е инспириран од морето и летото. Флогита е мирно  место каде би можеле да поминате прекрасни моменти со вашите најблиски, како со возење на велосипед на улиците покрај морето,  на убавите песочни плажи во текот на денот, така и во луна парковите за деца и ресторанчиња со вкусна морска храна.

Сместувањето се наоѓа во една избалансирана средина (улица) која не е веднаш во првиот ред каде навечер има најголема фреквентност, ниту пак во најмирните улици на крајот, туку токму на вториот ред каде се е блиску а сепак далеку од врева за мирен сон во текот на ноќта.

Флогита се наоѓа на почетокот на првиот крак и препорачливи блиски места се градчето Афитос кое топло го препорачуваме и се издвојува со својата уникатна и автентична архитектура, како и Калитеа за младите.

Доколку сакате повеќе инфо за сместувањето, контакт за резервации и цена, кликнете ОВДЕ.