Ова планинска вила за појадок ве угостува со шумски мед

Домаќините на вилите кои се дел од базата на Кајак.мк се тие кои му дават дух на сместувањето. Без разлика на тоа колку и да е модерна вилата, ако домаќинот нема свој печат на неа, тогаш тоа за гостите би било само едно обично сместување.

Драго ни е да ве информираме дека нашата база се надополнува со уште една вила која е заробена во борова шума. Вила која дефинитивно нема кој не би посакал да престојува во неа.

Вила Албаница се наоѓа во туристичката населба Албаница во Берово. Предел кој е добар да го посетите 365 дена од годината, а особено пролет и лето поради самата природа.

Она што нам не прави среќни е фактот дека сопствениците на вилата се млади ентузијасти кои вложуваат во развојот на туризмот во регионот.

Тоа што го прави овој крај препознатлив на туристичката мапа е шумскиот мед, па од тие причини, гостите во вилата имаат на располагање домашен мед за појадок.

Домаќините на вилата сметаат дека тоа за нив е мала инвестиција, а за гостите на вилата е од огромно значење.

Вилата е опколена со шума, а погледот од собите е фантастичен. Има огромна површина која е покриена со трева и шума. Во дворот на вилата има кош и лулашка на дрво, а најважно од се е што има чист воздух со огромно количество на кислород.

Вилата зрачи со уникатна архитектура, а внатрешноста е доста комотна. Ако не прашате нас, ние би останале на ова тераса со нашиот лаптоп и со денови.