Уникатна вила на Пониква: Инвестираме во неа за да може да ја изнајмуваме

Еко тимот на Кајак.мк денеска разговараше со Љубица, која е сопственичка на половина од делот од ова преубава шумска куќарка на Пониква. Љубица вели дека е огромна предност да се престојува на Пониква. Место кое изобилува со прекрасна природа, многу места за прошетка, пешачки и велосипедски патеки, а не многу далеку од градот. За неа предноста е тоа што до Пониква се стига по асфалтиран пат, кој додека движите по него ви нуди различни доживувања во различки годишни времиња. 

Пониква има доста убави сместувачки капацитети. Се поголемата потреба од чист воздух и прошетките во природата ги натераа многу луѓе да инвестираат во сопствени вили на ова планина. 

Фотографијата е преземена од инста профилот на @evgenij.houp

Ноември за Љубица е прекрасен. Пониква е во шарени бои и со многу сончеви денови. Она што таа ни го препорачува е долга прошетка во густата шума каде има куп жолти лисја. 

Таа вели дека внатрешното уредување на планина секој сака да му биде и да асоцира на дрво, камин, камен, па така и тие се љубители на истото. Нивните планови за во иднина се да ја изнајмуваат едната половина од куќата, но велат дека треба да трпи дооуредување како на внатрешноста, така и на дворот. Пониква треба да се посети во текот на целата година. Есента има своја убавина, а зимата е одлична со снег и чист воздух. Пролета е доста миризлива, а летото е идеална да се избегне горештината.

Вилата во зима, фотографијата е преземена од инста профилот на @markodzambazovski

Како што вели таа, куќарката ја делат со свои блиски пријатели со кои се во одличен однос.

На Кајак во моментото можете да најдете доста вили кои се изнајмуваат. Доколку сакате да ја погледнете базата од Пониква, кликнете ОВДЕ.