Таинствен бунгалов на Пелистер достапен за резервации

Базата на Кајак ни крцка со уште едно уникатно сместување, со несекојдневна архитектура и со модерен ентериер! Овој објект ќе ги задоволи сите ваши барања за престој на планина.

Домаќинот Бојан кој ни ги отвори вратите од својот објект вели дека објектот е нов изграден, модерен и се наоѓа на самиот влез на Националниот парк Пелистер. Ги има сите потребни елементи за краток или подолг престој. На гостите им е на располагање и каминот, како и мобилната скара на плин за приготвување на јадење. Амбиентот го дополнуваат и двата грамофони и големиот избор на плочи.

Причината поради која Ве советуваме да побегнете на Пелистер е пред се чистиот планински воздух. Сместувањето пак е далек од градската бука, опколено со лесни и безбедни патеки за планинарење кое ќе ве ослободи од стресот.

Домаќините велат дека на гостите им се нуди можност за организирање на планинарски тури во зависност од временските услови и физичката подготвеност.

Објектот има своја Wi-Fi конекција, што ви дава до знаење дека имате можност да ја преселите вашата он-лајн канцеларија на планина. Звучи свежо, зарем не?

Објектот има капацитет за 6 лица, а како јаготка на шлагот е фактот дека истиот дозволува влез на домашни миленици.

Сигурно сте љубопитни за повеќе информации? Доколку сакате да погледнете повеќе фотки и да стапите во контакт со домаќините, кликнете ОВДЕ.