Резервирајте ноќење на традиционалното бродче на Ѓоко: Идеално за парови

Дали некогаш сте посакале да ја одведете вашата сакана или сакан на скромно традиционално бродче кое локалците го користат за живејачка? За оние туристи кои бараат авантури и експериментирање, тимот на Кајак.мк ве информира дека од денеска како дел од базата на приватни сместувања е дрвеното бродче на Ѓоко, домаќинот кој својата приказна ја испишува во родната Струга. 

Ѓоко вели дека на неговите крстарења се случиле многу запросувања, а младите кои биле негови гости се враќале повторно да го посетат.

Од денеска, покрај редовните тури кои ги организира тој, секој заинтересиран ќе може да го изнајми бродчето за едно ноќевање. Ѓоко вели дека во договор со гостите бродчето ќе биде вкопано на дестинацијата која тие ја посакуваат и која би била недалеку од брегот на езерото. Исто така, доста важни се и временските услови и брановите, информации и совети кои претходно се договораат со домаќинот. 

Бродчето на Ѓоко е класично мало бродче кое е идеално за парови. Внатрешноста на бродчето е рустикална, па оттука ќе ви потенцираме дека ова сместување не би било идеално за луѓето кои не би сакале да експериментираат.

За оние пак кои се авантуристи во душа и кои не избираат место за ноќевање, ова бродче ќе им понуди многу нови доживувања. Почнувајќи од изолираноста во текот на ноќта, каде ќе може да уживаат во ѕвезденото небо, па се до утринското изгрејсонце кое ќе може да го дочекат во апсолутна тишина и мир, слушајќи ги брановите на езерото. 

За туристите кои ќе сакаат да го изнајмат бродчето за ноќевање, постојат одредени услови кои ги наметнува домаќинот, а за кои ќе се консултирате со него. 

Доколку сакате повеќе информации во врска со ова сместување, фотографии и цени, кликнете ОВДЕ