За кое село во Македонија сите зборуваат?

Селото Галичник се наоѓа во западниот дел на Република Македонија, на југоисточните падини на планината Бистра, во центарот на мијачкиот регион. Лежи на надморска височина од 1300-1600 м под карпестите сртови на врвот Говедарник кој е со височина од 2011 м.

До селото Галичник може да се стигне од Скопје или од Охрид. Од Скопје преку Тетово и Гостивар до Галичник може да се стигне за 2 часа со автомобил, а исто толку е потребно и од Охрид преку Дебар.

Во Галичник може да се преноќи во хотелот Неда кој е изграден во традиционален стил, во чија кујна може да се вкусат најразлични локални специјалитети како што се Бакрданот, Галичкото сирење и киселото млеко. Исто така може да се преноќи во некои околни куќи кои издаваат соби.

Селото Галичник е светски познато по Галичката свадба која традиционално се одржува секоја година на 12 јули.

Поради надморската височина и положбата, селото има многу чист воздух, прекрасна планинска клима со свежи, пријатни лета и доста снежни зими. Со право се вели дека Галичник е еден од најубавите и најатрактивни делови во Македонија и Балканот.

Кавер фото:@LobaVictoria
Фото во текст: hydrogirlstories.vera
Текст: wikipedia.org