Дали сте слушнале за Етно село- Андревци?

Гастрономските дестинации кои ги додаваме во базата на Кајак.мк втори омилени предлози на патувачите, веднаш после приватните сместувања кои ги објавуваме секојдневно.

Но што се случува кога гастрономската дестинација е воедно и дестинација за престој и одмарање? Тогаш имаме полн погодок.

Една таква дестинација додаваме денеска во базата на Кајак.мк. Станува збор за етно селото „Андревци“ кое е стационирано во селото Годивје. За оние кои за првпат се среќаваат со називот Годивје, еве еден мал опис.

Селото Годивје се наоѓа во областа Дебрца, на источните падини на Славеј Планина, оддалечено 27 километри јужно од Кичево и 38 километри северно од Охрид и Струга.

Домаќинот кој ги отвори вратите за светот на Кајак.мк вели дека сите гости се добредојдени со претходна резервација и закажување, поради комплексноста на работата.

Нашиот тим не сомнева дека во престојната сезона многумина од вас ќе го посетат ова прекрасно планински селце од причина што можете слободно и опуштено да ги исплакнете очите, да ја нахраните вашата душа и да уживате во мирот и тишината кои владеат во селото.

Сигурно би се запрашале што е она кое ни ви го препрачуваме да го дегустирате во етно-селото?

Штом им јавите на домаќините, а број за контакт можете да најдете со еден клик ОВДЕ, прашајте ги дали се во можност да ви го подготват домашното традиционално ѓомлезе, коматото со праз и сирење, овчото и козјо сирење, малакото со лунк, петулиците, ајварот и специјалитетите од јагнешко, јарешко, телешко, домашни колбаси со праз, како и специјалитетите со печурки кои добро се прарираат со домашно вино и домашна ракија.

Оние пак кои сакаат да прошетат низ селото, треба да знаат дека овде се наоѓаат четири цркви, од кои најстарата е Св.Ѓорѓија од 13-ти век, црквата Св.Никола која е во самиот центар на селото, Св. Спас и недалеку од селото се наоѓа црквата Св.Ватроломеј.

Многумина од патувачите сигурно знаат дека овде се наоѓа и познатиот извор наречен Света Среда, Света Петка и Света Недела, за кои се смета дека се лековити извори.

Во склоп на етно ресторанот се наоѓа и Етнолошки музеј, антикварница и исто така објектот има сместувачки капацитет каде може да се сместат и од 5 лица.

Доколку сакате повеќе инфо и контакт, кликнете ОВДЕ.