Се вратив од Русија за да вложам во македонското вино

На платформата на Кајак.мк можете да ги најдете скоро сите приказни поврзани со луѓето производители на македонско вино. Среќни сме што имаме повеќе приказни за винарии од било која друга платформа која се залага за промоција на туризмот во Македонија, а тоа нам нѐ прави да бидеме на добар пат.

На Кајак.мк може да најдете сѐ што ве интересира во врска со винскиот туризам во Македонија. На располагање имаме многу винарии кои може да ги посетите со вашите роднини и пријатели или пак да ги посетите со ваши колеги од работа.

По вчерашната приказна која ја раскажавме од село Крњево (која можете да ја прочитате со еден клик ОВДЕ), денеска се селиме во Вардарската Долина каде ќе ве запознаеме со приказната на господинот Андон Ризов, човекот кој својот животот го посветил работејќи во Москва, но љубовта кон татковината и желбата да создава вино со свој белег го поттикнала да се врати во својот роден крај.

Доколку прашате некој кој слушнал за селото Курија близу Неготино, една од работите што ќе ви ја потенцира ќе биде винаријата „Вардарска Долина“ која господинот Андон ја отворил во 2000-та година.

За нас винаријата „Вардарска Долина“ претставува амбасадор и промотор на Македонија, бидејќи воедно е првата македонска винарија која стигнала до рускиот пазар.

Винаријата „Вардарска Долина“ ја следи дамнешната традиција на овие простори, но исто така и модерната технологија која се повеќе се развива во овој сектор, а која технологија денеска и помога на винаријата да произведе капацитет од над 800,000 шишиња квалитено вино од сортата Шардоне, Траминец, Мускат Темјаника, Вранец, Каберне Совињон, Пинот Ноар и Мерлот.

Скоро 90 отсто од производството го пласира на изворните пазари како Русија, Германија, Чешка, Кандада, Бугарија, Хрватска и Србија, а останатиот дел на домашниот пазар.

Денеска, винаријата има свои насади на Траминец, Темјаника, Шардоне, Каберне Совињон, Каберне Франк кои се протегаат а површина од 18 ха, а покрај сопствените насади, винаријата соработува и со долгорочни добавувачи кои овозможуваат следење на растот, заштитата и задржување на квалитетот на грозјето.

Од винаријата „Вардарска Долина“ велат дека виното е резултат на искуството, традицијата и љубовта која е вложена од самото раѓање и развивање на винаријата и додаваат дека виното е наменето за луѓе кои имаат дух и за оние кои знаат да уживаат во убавото.

Наскоро винаријата „Вардарска Долина“ ќе ја отвори својата сала за дегустации, за која ќе добиете повеќе информации наскоро.

Точната локација на винаријата, како и контакт телефон можете да најдете со еден клик ОВДЕ.