Предлог ресторан со вкусни специјалитети од риба

Базата на Кајак.мк ја збогатуваме со уште една одлична гастор дестинација, односно ја додаваме нашата 165-та гастро дестинација на која можете да уживате во одличните локални специјалитети и да го уживате правиот вкус на македонската кујна.

Многумина кои го посетиле рибниот ресторан Квин ќе ви речат „Не си заминувајте без да ги пробате вкусните ребра“, но ние би рекле дека овде акцент треба да ставите на вкусната свежа риба која ќе ви биде уловена од рибникот.

Ајде да се вратиме на почетокот. Сигурно се прашувате каде се наоѓа Ресторанот Квин? Точната локација која ќе ве одведе до самиот ресторан можете да ја најдете со еден клик ОВДЕ, како што веќе знаете тимот на Кајак.мк ги лоцира на мапа сите уникатни гастро дестинации.

За оние кои се противници на GOOGLE MAPS, еве неколку совети како да се стигне до ресторанот:

Ресторанот се наоѓа недалеку од Љубанци, селце лежи во подножјето на Скопска Црна Гора. Со пријатна клима и на надморска височина од околу 600 метри, овој предел ќе ви помогне за момент да заборавите на летните горештини кои владеат со главниот град.

Љубанци се наоѓа на околу 15 километри од центарот на Скопје, а за оние кои ќе се одлучат да го посетат ресторанот Квин, ние ги советуваме да го искомбинираат денот со активности во природа. Овде можете да го посетите Башинец од каде имате прекрасен поглед кон цело Скопје, а исто така можете да го посетите и манастирот Св. Никола.

Рибниот ресторан Квин работи секој ден освен понеделник, а наш совет е пред да го посетите да се јавите на контакт телефонот оставен за резервации.

За љубителите на вкусната риба, ви препорачуваме да вкусите свежа пастрмка или крап, а за љубителите на месото, овде можете да најдете вкусни ребра и ред други месни специјалитети.

Телефонскиот број за резервации како и мапа со локација можете да најдете со еден клик ОВДЕ.