18.10.2022
Кожуф е мој дом веќе цели 10 години
Кожуф е мој дом веќе цели 10 години
Месеците
октомври и ноември ги посветуваме на планината и на планинарите. До Кајак.мк пристигна
планинарска приказна од Мими Костадинова која цели 10 години е активна планинарка.
Мими вели
дека многумина би рекле планинарењето е спорт, но таа би додала дека планинарењето
е стил на живот. Човек штом еднаш ги почувствува благодетите и магијата од
денот поминат на планинските патеки не може да остане рамнодушен.
Планината
е најдобрата терапија која човек може да си ја препише. Таа сама по себе не е
опасна или непријателка. Напротив човекот е оној кој со своето однесување и
непочитување на правилата на домаќинката планина се доведува во опасност.
"Планините постојат за да ги доживуваме во нив радостите на освојувачи и за да се издигнуваме себеси" ќе рече Јан Алфред Шчепански. Токму затоа треба добро да се информираме и постојано да се едуцираме за секој следен планинарски предизвик. Не случајно и изреката "секоја планина, своја тежина", потврда на секој планинар.
Во Гевгелија четири години активно делува Планинарски спорски клуб ДВЕТЕ УШИ Гевгелија. Домаќинка на ова друштво е Кожуф планина. Планина која малкумина знаат дека има осум врвови над 2.000м.н.в., ( Зелен Брег 2.172м.н.в, Пиново 2.156м.н.в, Дудица 2.145м.н.в, Порта 2.097м.н.в., К-92-Морето 2.102м.н.в, Ѕена 2.065м.н.в., Марково Езеро 2.035м.н.в., Мала рупа 2.004м.н.в.). Планина која изобилува со богата флора и фауна , за жал малку посетувана и истражувана. Предизвикот 10 врвови на Кожуф планина е дел од активностите за годинава.
Оваа планинарско друшто организира
планинарски предизвици со искачување на врвовите Порта и Греда. Планина која
изобилува со широчина и прекрасни погледи во секое годишно време. Секогаш нуди
посебни воздишки погледот кон Егејско море од врв Двете уши 1.766м.н.в. Обележани
планинарски патеки, за аматери љубители на планината и веќе искалени планинари.
Не го
одбивајте пријателот кој ќе Ви понуди прошетка низ планина. Но запаметете дека
највисоката планина останува секогаш во нас.
Приказна
која ни ја испрати Мими Костадинова.
Која е
вашата планинарска приказна? Споделете ја на: [email protected]
Блог
Препораки
Прочитајте повеќе
Овие планински дрвени куќички се наоѓаат во Македонија, а имаат и отворен базен
Во срцето на недопрената природа, на само петнаесет километри од урбаното јато на Скопје, се наоѓаат шест мирни оази изработени од дрво—модерни куќички кои ветуваат одмор за душата и телото.
Засадивме нови дрвца преку еко тим билдинг, а дадовме поддршка и на локалните занаетчии
Она што нам ни преставува од особена важност е фактот дека покрај акциите за пошумување кои ги организираме низ одредени општини во Македонија, истиот ден го искористуваме за промоција и поддршка на локалните занаетчии кои творат на тоа поднебје.
Во Македонија постои Плевна која ги нагостува сите со домашна локална храна
Етно домаќинството „Плевна“, водено од семејството Мицкоски, не е само место каде што може да се одморите од секојдневните обврски, туку е простор каде што секој посетител станува дел од заедницата и животот на село.
Создаваме винска приказна преку скриените вкусови во грозјето
Автентична филозофија со љубов кон гроздот и виното. Сместена во најпознатиот вински регион, оваа мала семејна винарија ги преточува производите од лозјето во вина на кои никој не би останал рамнодушен.
Вила за одмор во срцето на Трпејца
Секој апартман има тераса која нуди завидлив поглед на езерото. Апартманите располагаат со свое купатило, опремена кујна и модерни удобности како што се Wi-Fi и кабловска телевизија, обезбедувајќи ви сè што ви е потребното за безгрижен престој.
Организираме пикник настани покрај реката Треска во близина на Долна Матка
Местото се наоѓа крај село Шишево, одвоено од секојдневната бучава и гужва. Располага со две зелени дворчиња на самиот брег на реката, идеални за одмор и уживање.