Вила над Охридското езеро која не смеете да ја пропуштите ова лето

Во Македонија ги има едни од најубавите приватни сместувачки капацитети само ако знаете како да ги уживате. Ако дел туристите плаќаат огромни суми само за да се меѓу првите редови од плажа, странските туристи пак плаќаат огромни суми за да бидат во апсолутна природа, каде одморот ќе биде во вистинска смисла одмор.

Доколку прошетате околу Охридско езеро ќе сретнете уникатни вили кои проголтани од планината нудат прекасен поглед кон езерото. Еден таков објект кој од денеска е дел од базата на Кајак.мк е Paradise Nest House која е изградена во 2018-та година и е нова градба, но со запазени елементи. Вилата е изградена од камен и дрво, што одлично се вклопува во природата.

Домаќинката Ивона која ги отвори своите врати за светот на Кајак.мк вели дека за внатрешниот и надворешниот изглед е одговорен нејзиниот татко Зоран кој со свои раце ја има изградено вилата, а при кое градење добива целосна помош од фамилијата.

Ентериерот на вилата е доста уникатен што секое парче си има своја приказна. Дворот пак е простран и премен со хамоци и тревник.

Она што е најважно од се е прекрасниот поглед кој го нуди вилата кон зајдисонцето над езерото. Па дали може да си замислете како уживате во дворот на лулашката со тивка музика и прекрасно зајдисонце?

За активните туристи и луѓето кои избегнуваат класичен одмор, ова сместување ќе им ги задоволи потребите бидејќи во непосредна близина на вилата има пешачки патеки кои водат до село Шипокно, Велестово и Коњско. Но она што е доста важно да се напомене е дека сопствениците на вилата организираат тури до Галичица, а исто така се организираат и тури до кајче до Трпејца во која тура е вклучен и ручек во рибен ресторан. Но да биде одморот уште поактивен, сопствениците нудат тури и со едрилица, како и параглајдер.

Сигурно сте доста љубопитни и барате повеќе информации за престој? Повеќе фотографии, контакт за резервација и информации ќе најдете со еден клик ОВДЕ.