Tуркменистан го забрани за употреба зборот коронавирус!

Земјата за која Кајак.мк вчера објави статистика дека нема регистрирано позитивен случај на коронавирусот исто така го забрани и за употреба истиот збор. Туркменистан им забрани на медиумите да го користат во употреба зборот коронавирус, пишуваат светските медиуми. Како што се наведува во соопштението на „Репортери без граници“, зборот коронавирус е отстранет и од здравствените брошури што се дистрибуираат во болниците, компаниите, училиштата.

Богатата централноазиска држава, која граничи со Иран, досега нема признаено ниту еден случај на зараза, додека во соседниот Иран има 45.000. „Репортери без граници“ наведува дека се случува полицајци во цивилни одела да апсат луѓе што носат заштитни маски или разговараат за коронавирусот.Туркменистан е меѓу најзатворените земји во светот и последна по слободата на медиумите, а на власт од 2006 година е претседателот Гурбангули Бердимухамедов.

Како изгледа ова земја можете да погледнете од видеозаписот:

Извор на веста: https://mms.mk