19.04.2021

Осоговските планини ме прават среќна личност

Доаѓа месец мај. За нас еден од најубавите месеци во годината. Земајќи предвид дека времето ќе биде топло и дека можеме да ги активираме мускулите на нашето тело, се одлучивме повеќето од нашите патувачки текстови да ги фокусираме на активниот туризам се со цел да поттикнеме повеќе луѓе да излезат во природа. 


Денеска ве запознаваме со Катерина Станковиќ, девојката која обожава да биде активна на македонските планини. Таа е во постојано истражување и откривање на природата. Ни раскажува дека активниот туризам и влијае позитивно како на физички така и на духовен план. За неа, луѓето кои патуваат се посреќни. 


Македонија е идеална земја за планинарење каде се испреплетуваат голем број на високи планини, висорамнини, извори, реки,  водопади, долини, езера, пештери како и помалку познати скриени актрактивни убавини, вели Катерина. 

Активно искористениот ден за неа е психички одмор, а е сигурна дека ова хоби и го јакне имунитетот. 


Често посетена дестинација и се Осоговските планини. Тие имаат чисти реки, мали езера, богат растителен и животински свет. Овие планини се висок грамаден масив кој зафаќа голема површина, со длабоки речни долини, вулкански кратери и купи. Поволната клима и овозможува бујна вегетација, густа букова и дабова шума како и разновидна тревна вегетација, што придонесува за развој на летен и зимски туризам. 


Таа вели дека постои иницијатива овој дел од Осоговието да стане прв ГЕО ПАРК во Македонија заштитен од Унеско. Тука се вбројуваат неколку природни феномени мапирани во  студијата: Долината на Кратовска Река од Кратово до село Горно Кратово, Фосилна лава - Камена клисура, Литотелми во село Страцин, Камени Кукли, Бабакарини водопади, Здравчи камен, врв Уво - Буковец, Црн Врв, Вулкански бомби - Латишница, Злетовска Клисура, Вулканска област - Лесново, Водопади на Злетовска, Водопади Скала, Кундинско езеро, Мориња од Карпи - Зелен град .


За љубовта кон планината, Катерина вели дека ја стекнала уште од мали нозе, кога нејзините родители ја воделе на планината Остри Врв. Со тек на време ова за неа станува традиција.


„Кога ги искачувам планините го чувствувам мирот и свежиот воздух. Секогаш го следам мојот планински пат, но не секогаш знам каде води. Одењето во непознато е она што ме инспирира да се движам, вели Катерина. 

Од друга страна пак, таа е заљубена и во планиниските села кои изобилуваат со прекрасна природа.


Како прекрасни села кои вреди да се посетат ги истакнува Горно Кратово, Луково, Нежилово, Мушково, Каврак, Кнежево и сите се сместени во падините на Осоговските планини околу Кратово. Чист планински воздух, бистри изворски води, тивко и мирно, овие села некогаш населени и исполнети со живот, а денес заборавени од луѓето и препуштени на временските не/прилики. Според неа, руралниот туризмот може да ги спаси овие планински села или барем периодично да го врати животот во нив. 


Дел од нашите планински села целосно се празни. Мештаните кои таа ги запознава додека е на планинарење се претежно повозрасни лица, кои се занимаваат со сточарство и земјоделие.

„Нивната радост е преголема кога ќе разменат некој збор со нас, раскажуваат за убавото време пред многу години, за луѓето кои живееле овде, за учениците во училиштето и им делат совети на планинарите за тоа во кој правец да продолжат да се движат.

Катерина вели дека со планинарење сака да се бави и во иднина. За неа ова е повеќе од спорт и хоби. Ова е начин на живеење.

Остави Коментар

Прочитајте повеќе

Нашето сместување во Крушево ви го исполнува слободното време со разни активности

Апартмани во Крушево. Идеална опција за лето 2021

Денеска се слави Ерделези: Ако може УНЕСКО да го препознае, можеме и ние

На ова тема разговаравме со Даниел Петровски, програмски директор на „Романо Ило“ и еден од луѓето дирекни иницијатори пред УНЕСКО за зачувување и оддржување на духот на празникот Ерделрзи.

Ги мотивираме локалните мештани на Берово да го работат тоа кое го наследиле од претците

Хотелот изобилува со одличен етно стил, чии материјали и ресурси се набавени од локалните мајстори и занаетчии. Резбаните лустери се дело на господинот Слободан, калаџиските тави на Славчо, а гоблените и милињата се од мајка ми и баба, вели Дина.

Уникатно скривалиште на брегот на Преспанско Езеро

Од Пониква патуваме на Преспанско езеро каде го запознаваме домаќинот Роберт, чие уникатно сместување од денеска е дел од базата на Кајак.мк

Вила на Пониква со милион зеленила: Идеална за самоизолација!

Кајак.мк ве запознава со Оливера која како што ни вели има вложено доста труд и љубов се со цел да изградат една ваква прекрасна вила која во моментото е достапна за изнајмување.

Произведувам храна за кучиња од здрави македонски производи

Нашиот тим е составен од љубители на кучиња и кога секој домаќин на приватно сместување ќе ни потврди дека е дозволен влез на домашни миленици ние наздравуваме со чаша вино.