09.08.2022

Живка Ѓурчиновска, жена земјоделка која не им се плаши на предизвиците

Живка Ѓурчиновска, жена земјоделка која не им се плаши на предизвиците

Доколку денот не Ви оди како што треба и чувствувате некоја негативна енергија, тимот на Кајак.мк ви препорачува да си подготвите кафе и да го прочитате нашето денешно четиво, низ кое ќе Ви го раскажеме ентузијазмот на Живка Ѓурчиновска, жената која од денеска е дел од светот на локалните херои на Кајак кои прават мали нешта од огромно значење во развојот на туризмот во Македонија.


Живка Ѓурчиновска живее во село Тумчевиште. Но доколку поразговарате со нејзе, ќе сфатите дека таа живее за село Тумчевиште. Ако појдете во ова селце и ги прашате локалните мештани за неа, со сигурност ќе ви дадат доста податоци, бидејќи како што и самата се претставуваа, таа е првата жена регистрирана како индивидуална земјоделка во ова село.


За оние кои првпат слушаат за Тумчевиште, треба да знаат дека ова селце се наоѓа во срцевината на горнополошко поле, на надморска височина од 490 метри. Селото е меѓу планините Сува Гора на исток и Шар Планина на запад, а од левата страна тече реката Вардар. 


Живка вели дека доаѓа од фамилија која е позната по растително и сточарско производство, но она кое е најинтересно за неа е фактот дека таа важи и за претставник на селото кога треба да се разговара за подобрување општо на положбата на жените во него. Овде е и локално здружение на жени фармери, Моја Фарма во кое таа е претседателка, а здружението пак е дел од Рурална Коалиција преку кое ја основаат Наша тезга како прв он-лајн пазар за продажба на земјоделски производи и преработки произведени исклучиво од жени од руралните средини.


Живка вели дека промените и ризиците најчесто ги презема без страв и двоумење. Така се родила и приказната со насадите од лешници по кои е препознатлива во селото и околината.

Тумчевиште има доста плодна почва. Непосредно до нивите има вода, а земјоделските фамилии успеваат да се прилагодат на модернизацијата на земјоделското производство. Денеска овде може да се најдат домати, пиперки, грав, пченка, пченица, а последниве години како што потенциравме има и лешници за кои почвата е погодна и со добар квалитет.


Денеска, Живка е горда на насадите со лешник, производството на пченка, грав, пченица, домати, краставици и пиперки. Дел од производите може да се најдат секој вторник на пазарот во Гостивар.


Кога станува збор за обработка на почвата и призводство на храна, вели дека во најголем дел работат со модернизирана механика. Почнувајќи од 3 трактори, комбајн и приклучна механизација, а во поново време вложуваат во модернизација на производството на лешници, се со цел да го олеснат начинот на производство и да го следат темпото на современите процеси на производство на храна.


Покрај производство, Живка се заминава со преработа на храна. Интересен е фактот дека таа преработува само по нашите традиционални рецепти односно подготвува зимници, ајвар, различни видови намази од лешници или мед со лешници, везени пиперки и слично на традиционален начин.


Според Живка, се што човек ќе посака, може ад го оствари! Вели дека не е секогаш лесно, но целта ги оправдува сите вложувања. Најважно според неа е да се работи со љубов и да се вложи максимумот од себе.


Кога станува збор за поддршката, овде треба да бидат сите блиски кои таа ги има, но вели дека е жена која е подготвена да преземе ризик, а ризикот носи последици кои мора да ги сноси сама.


Живка од денеска е дел од светот на Кајак, а нејзината приказна можете да ја најдете во базата на „Гастрономија“. За оние кои се заинтересирани да стапат во контакт со неа, повеќе информации може да најдат со еден клик ОВДЕ.

Остави Коментар

Прочитајте повеќе

Јабланица – планината што крие езера, врвови и авантура | Совршена викенд дестинација

Откријте ја магијата на Јабланица: планинарење, планински езера и недопрена природа на границата меѓу Македонија и Албанија.

Нешто ново во Македонија: Во Вратница се отвори нова вила за престој

Село Вратница е мало, но полно со автентичност и топлина, каде времето тече побавно и полесно. Вила Вратница идеално место за уживање.

Стогово – недопрен планински бисер во Македонија и дестинација која мора да ја вметнете во вашата листа

Откријте ја планината Стогово – скриено богатство на Македонија со недопрена природа, високи врвови и автентично планинарско искуство. Совршено место за љубители на авантури и мир.

Матка кањон – идеална викенд дестинација за целото семејство

Матка кањон – срцето на авантурата во Македонија

Предлог викенд дестинација: Вевчански извори - идеална дестинација за ден во природа со семејството или пријателите

Барате идеална дестинација за ден во природа со семејството или пријателите? Вевчанските извори нудат кристално чисти води, пешачки патеки низ магични долини и можност за авантура и релаксација под отворено небо.

Три најпосетени водопади во Македонија – идеални за викенд бегство од градскиот метеж

Три водопади кои мора да ги посетите во Македонија.