Вила со базен и поглед кон охридското зајдисонце

Август и септември се идеални за одмор по одморот, нели? Добро сонце за уживање ќе имаме уште цели два месеца. Доколку нас не прашате кое е идеално време да одморите глава покрај базен, нашиот одговор е месец септември или октомври доколку сезоната ни се пофали со повеќе сончеви денови.

Тимот на Кајак.мк денеска ви ја преставува „Вила Марта“ која е дел од базата на приватни сместувања. Среќни сме што домаќинот Славчо ги отвори вратите за светот на Кајак.мк, а патниците трагачи по уникатни сместувања кои се страсно заљубени во населбата Рача веста ќе ја примат како добар поклон од нас.

Вилата располага со модерни и чисти апартмани. Прекрасниот поглед кон градот и езерото е само причина повеќе која ќе ве натера да престојувате овде. Домаќините велат дека сите гости кои се љубеници на планинарењето, имаат можност да изнајмат водич кој ќе ги придружува и ќе ги запознае со убавините на околните планини.

Позицијата на вила Марта е таква што центарот на градот е оддалечен 7 минути, а плажите се оддалечени од 2 до 5 минути со кола.

Повеќе информации за сместувањето, цени и фотографии, може да најдете со еден клик ОВДЕ.