Во македонските планински дивини, кучињата секогаш се нашите придружници

Димитрија Ристевски е професионален планинарски водич, водич аспирант на УИМЛА (единствена призната лиценца за организирање планинарски тури кај нас и во светот наменети за клиенти). Има активно искуство со планинарење веќе 8 години, а од неодамна и својата пасија, ја претвори во негова професија, креирајќи ја компанијата Above the clouds, со цел да ги долови планинските убавини и специфични искуства на што повеќе луѓе, притоа, чувствувајќи се максимално безбедно.

Македонија е 80% планинска земја. Изобилува со места кои повеќето Македонци не можат ниту да замислат дека се наши. Планински езера, скриени водопади, пасишта и длабоки шуми, атрактивни врвови, брзи реки, клисури, манастири, планинарски домови, бачила, села, богат растителен и животински свет. Aко навистина нашата земја е 80% планинска, можете само да замислите колку само не ја познаваме и не ги познаваме тие скриени предели кои се достапни само ако се обидеме да ги посетиме со пешачење.

            Димитрија Ристевски кој е планински водич вели дека планинарењето како дел од активниот туризам нуди многу на нашите и странски туристи. Покрај психофизичките бенефиции за здравјето кои самата активност ги нуди, ги збогатува животите на луѓето со нови искуства, предели, спомени, а секако, и нови квалитетни познанства. Туристите кои се одлучуваат за ваква активност најчесто се заинтересирани за природните убавини, но сакаат да ја вкусат и традиционалната храна, сакаат да кампуваат, да дознаат нешто повеќе за локалното население и да комбинираат повеќе различни искуства.

Она што е интересно како што вели Димитрија, фактот дека скоро на сите тури им се придружувале кучиња кои од стартна до крајна точка пешачеле со нив и се враќале назат. Тој вели дека тоа е инстинкт на самото животно да ги заштитува во дивината. Како група е секогаш безбездно да се кампува ноќе. Имаат спиено на многу високи локации ширум државата без никаков проблем. 

Комбинацијата на адреналин, природа, традиција, култура, гастрономија е добитна секогаш. Планинарските тури може да се одвиваат во сите сезони и секоја сезона има посебна убавина (секако, различна опрема е потребна во различни периоди од годината), а се прилагодени за сите љубители на природата, од најмали до постари, од оние без планинарско искуство до оние кои се поискусни и сакаат поинаков предизвик. Некогаш еднодневни, некогаш повеќедневни, секогаш автентични и единствени.

Најмногу во сеќавање ми остануваат реакциите и искрените насмевки на луѓето после повеќедневните тури, вели Димитар. Искрата во очите кога зборуваат за кампот и ѕвезденото небо, логорскиот оган и дружбата, чајот кој сами го берат и сирењето кое ќе го пробаат директно од некое од бачилата кои ги посетуваме.

Посебно и ноќните планинарења со дочек на изгрејсонце на некој од нашите врвови. Секое ново искуство е непроценливо богатство, а луќето се враќаат со повеќе приказни и креирани спомени. Интересно ми е кога имаме тура со Македонци и кога ќе ги однесам на некое планинско езеро или скриен водопад. Не можат да поверуваат дека тоа место е кај нас и дека единствено неколку часовно пешачење не’ делело од таа глетка.

Димитрија Ристевски

Водич аспирант 

077/525-616