Горди сме на нашето македонско девојче „Станушина“ по која сме препознатливи

Има четири бази на Кајак.мк кои секојдневно се полнат со нови приказни. Првата е приватните сместувања кои веќе ги има со бројка од 405, атракции, гастрономски дестинации, а во изминатиот период отпочнавме и со полнење на „Бакалницата на Кајак.мк“ со нови тезги од кои можете да нарачате он-лајн нови и уникатни производи кои ги произведуваат македонските занаетчии и производители.

Од денеска во бакалницата на Кајак.мк своја тезга добива „Винарија Иванов“ чии вина можете да ги купите со еден клик ОВДЕ.

Ние разговаравме со Орданче, човекот кој стои позади брендот „Иванов“, а кој ни ја раскажа приказната за винаријата.

Иванов е мала семејна винарија која произведува вино од сопствени лозови насади. Регистрирана е од 2019-та година, но историјата е од пред 80 години кога дедото на Орданче засадил лозови насади. Денеска производството на вино му претставува семејна традиција, а од целата фамилија тој е првиот кој отпочнал професионално да се занимава со лозарство и винарство.

Запрашан што најмногу го прави горд од она што досега го има произведено, Орданче додава дека горди се на нивната Темјаника, Куве Бело, Куве Црвено, Мерло, а особено на нивното македонско девојќе „Станушината“ која е автохтона сорта на грозје и која ја има само во Тиквешијата.

Орданче вели дека е во преодна фаза да прерасне во производител на органско вино, а за некоја година очекува да отпочне со биодинамично производство каде не смее да се употребува никаков пестицид.

Доколку сакате да прочитате повеќе информации за неговото вино, а исто така да направите и нарачка, кликнете ОВДЕ.