Места кои треба да ги посетите во Лисабон

Лисабон чува цврсти врски со историјата, потсетувајќи ги посетителите на подемот и падот на својата империја, на времињата кога бил освојуван. Денес овој град зрачи со посебен сјај и убавина.

Тесни улички, комбинација од маурска и римска архитектура, реставрирани палати, величествените цркви и импозантната тврдина која навечер го осветлува сето културно богатство на градот – ќе ве воодушеват со својата уникатност.

Неколку од многуте места кои мора да ги посетите:

1. Elevador de Santa Justa – железниот лифт конструиран од ученик на Ајфел. Место каде може да се одморите и да уживате во кафе со поглед на градот.

2. Ботаничка и зоолошка градина – тука може да се релаксирате и да уживате во илјадници растителни видови и повеќе од 2 илјади животни.

3. Parque das Nações – тука е сместена спектакуларна градба посветна на океанот. Изградени се четири кули што ја претставуваат флората и фауната на Јужниот, Атлантскиот, Тихиот и Индискиот Океан.

Во центарот на овој објект се наоѓа импресивен резервоар чија длабочина овозможува прекрасен преглед на морскиот свет.

4. Катедралата Se - е најстарата катедрала изградена 1147 година.

5. Castelo de São Jorge – овој замок е сместен на највисокиот од седумте рида. Тука е поставена мултимедијална изложба на историјата на Лисабон.

Прошетајте низ оваа тврдина, а потоа дозволете си уживање во ресторанот со панорамска глетка на Лисабон.

Текстот е преземен од:www.crnobelo.com