27.12.2020
Во македонско село има ваква куќичка на дрво која можете приватно да ја резервирате
Во македонско село има ваква куќичка на дрво која можете приватно да ја резервирате
Последните денови од 2020-та година ги заокружуваме со четивата кои најмногу се пребаруваа на Кајак.мк
Прочитајте ја приказната објавена во август. Поради фактот дека Тамара и Душан се родители на мали деца, побараа да не објавувме контакти од нив се додека не се стави крај на пандемијата со Ковид-19. Затоа би ве замолиле да уживате во текстот, а во некои подобри времиња секако и да ја посетите.
Запознајте се со Тамара и Душан кои се вистински ентузијасти. Како што и претходно објавувавме Кајак.мк има цел да ги промовира ситниците коишто прават многу во развојот на домашниот туризам. Нашиот агрегат освен тоа што ги додава понудите на сите туристички агенции, атракции и приватни сместувања, разговата и со сопствениците на некои мали нешта коишто прават многу во развојот на туризмот. Таква е и приказната на Тамара и Душан кои изградија куќа на дрво во селото Ранковце кое е одалечено на само 20 километри од Кокино или на час возење од Скопје.
Нивната дрвена куќичка е именувана како „ТриХаус&ТајниХаус“ бидејќи ова за нив има посебно значење. Куќичката започнал да ја гради Душан. Љубовта кон ова хоби го натерала да го вложи своето слободно врмее кон gрадењето на нешто вакво. Подоцна Душан ја запознава неговата идна жена Тамара која му помага во уредувањето и му е целосна поддршка.
Тие велат дека нема да застанат овде, туку напротив има уште многу што треба да се вложи овде. За да се искачите во куќичката имате поставено скала, а има и имтересен момент а тоа е симнувањето или искачувањето по јаже.
Внатре куќичката поседува дневен престој и спална соба како галерија, односно над самоит дневен престој од каде имате фантастичен поглед. Куќата е опколена со прозорци, што ви дава прекрасна дневна светлина и одичен амбиентален момент во текот на ноќта особено кога месечината знае да го направи своето.
Тишината, небото полно со ѕвезди. Според нив многу е важно во кој период од годината се доаѓа. Омилен момент на секој којшто престојувал му се изгрејсонцата и зајдисонцата. Во сместувањето се наоѓа противпожарен апарат, комплет за прва помош, а гостите добиваат и бесплатен паркинг и појадок. Во текот на зимата има греење, а просторијата има и работно катче за лап топ. Нешто што е доста интересно е моментот дека јадењето може да се подготвува на камен.
Тие велат дека постојаните промени кои се случуваат во светото ги примамуваат луѓето да ја намалат површината на просторот во којшто живеат. Луѓето се придружуваат до ваквите општествени движена до повеќе причини, но најбитната е желбата за повеќе време и слобода. Овој „дрвен“ дом кој е отцепен од секојдневната реалност може да се резервира и за ноќевање.
Идеално место за луѓето коишто сакаат барем за миг да заборават на проблемите со работа, на интернетот и динамичното темпо на живеење. Како што ни велат тие, се со цел да ги заштитат патниците од ширењето на коронавирусот, а исто така и да го заштитат своето семејство, во наредниот период ова куќичка нема да биде на издавање.
Блог
Препораки
Прочитајте повеќе

Празнични денови – идеални за еднодневен излет низ Македонија
Искористете ги празничните денови за еднодневен излет низ Македонија. Откријте атракции, гастрономии и идеи за авантура на kajak.mk.

Кафе културата во Македонија – автентично искуство за секој турист
Откријте ја автентичната кафе култура во Македонија. Пробајте густо турско кафе, искусете го ритуалот на подготовка на песок во Старата скопска чаршија и почувствувајте ја душата на земјата.

Дониравме 350 килограми храна за бездомни кучиња и ја реализиравме првата тура со бездомни кучиња на нашиот нов тим билдинг со Singular
Тим билдинг преку кој Дониравме 350 килограми храна за бездомни кучиња и ја реализиравме првата тура со бездомни кучиња

Есенски моменти во Градскиот парк Скопје 2025
Локалните жители и туристите ја избираат зелената оаза во центарот на Скопје за пешачка прошетка, рекреација и визуелна инспирација во есенските денови.

Винските региони на Македонија: потенцијал за викенд туризам
Истражете го потенцијалот на винските региони на Македонија за викенд туризам. Откријте како природата, културата и локалната гастрономија создаваат автентични искуства за кратки патувања.

Тим билдинг на компанијата Immomates исполнет со многу предизвици и забава
Тимот на Кајак.мк повторно покажа дека тим билдинг настаните можат да бидат искуство за паметење!