Рачно изработен и насликан накит од глина и дрво

Од категоријата приказни за рачни изработки, денес ја издвојуваме онаа на брендот air.jewellery. Необичен накит изработен од глина и епоксидна смола. Оваа приказна почнува од рана возраст, со љубовта кон уметноста. Од цртање на лист хартија, потоа на платно, се до моментот на откривање и запознавање на глината како основен материјал. Како и секое совршено парче накит, нема специфично време за изработка, бидејќи целиот процес е уникатен и има повеќе етапи. Од правење на форми, печење, стругање, цртање, преливање со смола, подесување на ланец, до крајниот производ, временската рамка е прилично долга.

Главниот производ се ланчиња, но со тек на време обетките и брошевите се исто така барани од страна на клиентите. Најголема мотивација е првичната реакција на клиентите, кои се пресреќни што поседуваат уникатно парче накит.

-"Чувството кога некој се радува на ваша рачна креација е неописливо и тоа ме движи да продолжам да творам".

Во продолжение можете да погледнете некои од уникатните изработки.