22.02.2022

Шумско домче идеално за месеците кои ни престојат

Тимот на Кајак.мк разговараше со одговорните лица за шумскиот дом Чичко Боро кој се наоѓа во Мала Река на Китка, а кои со години наназад на своите гости им организираат доста активен и уникатен одмор.


За извидничкиот дом „Чичко Боро“ рековме дека е идеално место за престој за време на внежливите денови бидејќи природата во кое е вкопано изобилува со густа шума и многу зеленила, па замислете како уживате со вашето кафе додека го слушате шумот од дождот.

Домот се наоѓа на 35 километри од центарот на Скопје, на планината Китка, Мала Река на 950 метри надморска височина. Природата изобилува со густа шума, а покрај Мала Река која е притока на реката Кадина има многу патеки за хајкинг и планински велосипедизам.


Во извидничкиот дом има место за сместување на 25 до 30 лица во две соби со кревети на спрат, заедничко купатило, комплетно опремена кујна со прибор за јадење и готвење и простор за дневен престој. Домот се загрева со печка на дрва. Најубавиот дел од престојот во Шумско домче е дворот со 1800 м² каде се поставени авантуристичките реквизити како зип-лајн, трамболина, слеклајн, мрежа за одбојка или бадминтон како и место за логорски оган и шатори.


Сигурно се прашувате како може да стигнете до домот? До извидничкиот дом се вози преку селата Долно и Горно Количани. Патот е асфалтиран до Црвена вода, меѓута треба да внимавате бидејќи на места има оштетување на асфалтот. Од Преслап до Мала Река има 9 км земјен широк пат каде е потребно повнимателно возење. Може да се патува со градски автомобил, но ние препорачуваме да се користи високо или теренско возило. До домот се стигнува за 1:30 час со бавно и внимателно возење.


Доколку имате потреба од организиран превоз, дополнително можете да ги контактирате домаќините на објектот за да ви организираат транспорт.

За домот се грижат волонтери од Прв Скопски Извиднички Одред и Здружение за одмор и рекреација „Мала Река“ кои во моментот имаат отворен повик за собирање донации за реконструкција на домот. Повикот за донации можете да го погледнете со еден клик ОВДЕ, додека повеќе инфорамции за сместувањето, фотографии и контакт можете да најдете со еден клик ОВДЕ.

Остави Коментар

Прочитајте повеќе

Престојувајте во вила на 1600 метри надморска височина

Домаќинската атмосфера во вилата и мирот кој зрачи претставуваат идеално место за сите кои бегаат од секојдневниот и брзиот ритам на живот во подруг и поопуштен свет.

Вила во природа и на само 10 минути од Смоларскиот водопад

За да ве убедиме да го посетите овој крај, во нашата база на сместувања додаваме уште една одлична вила за престој која е на само 10 минути пешачење од смоларските водопади. Таа е идеална за луѓето кои бараат престој во природа.

Вила со базен и џакузи на Беровско езеро

Вилата има сместувачки капацитет кој има џакузи во собите. Дел од собите се опремени со џакузи, а дел се стандардни соби за престојување.

Уште еден ранч во Македонија во кој може да престојувате

Освен сместувањето и ресторанот, овде се наоѓа и езеро, мини зоолошка градина и доста стази за трчање или прошетка.

Пчеларството за мене е слобода, мир и спокој на планина

Зуењето на пчелите, кроткото движење на соголените гранки, мирисот на билки и слобода и бескрајната среќа на бивање живи е она кое го води него во медениот пат и кон градењето нап приказната.

Апартмани во Дојран со прекрасен поглед кон езерското изгрејсонце

Денеска ќе ве запознаеме со „Апартмани Санрајс“ кои се наоѓаат на влезот од Стар Дојран или пак во новата населба која постојано расте.