25.10.2020

Не сме од оние млади кои го напуштиле селото: Решивме да развиваме рурален туризам

Не сме од оние млади кои го напуштиле селото: Решивме да развиваме рурален туризам

Еко тимот на Кајак.мк ве запознава со уште една мотивирачка приказна за проектот наречен „Домаќинска куќа- Пирустија“ на „Пирустија Недановски“. Ова семејна камена куќа се наоѓа во селото Рамне, Охрид.

Сместена баш на средсело, до најголемата чешма од планиските извори, со поглед кон Охридско Езеро. Како што велат тие, за среќа не се од оние млади луѓе кои ја напуштиле селската куќа, напротив, со вложување во нејзина реставрација, поправка и доградба, си создале катче во кое уживаат.

Она што е интересно за нив е дека во нивниот двор никогаш не уживаат сами. Тука се роднините и пријателите, колегите и познаниците. Секој викенд исполнет со многу луѓе, дружба и секако квалитетна храна.

Во подготвените јадења, најчесто се застапени оние месените, како што се
: комат, кошмишпите, питулици, ѓомлезе, па и леб. Сите тие подготвени на традиционален начин, под сач (вршник).

По препорака на нивни блиски луѓе, се вклучуваат во обуки за рурален туризам. Некако природно се родила идеја дека овој концепт може да го нудат на луѓе кои би сакале да уживаат во приказната која нуди зачувување на традицијата. Селото не е далеку, на само 3,5 км. од градот, на 960 метри надморска височина, па затоа е погодно за пешаци, велосипедисти или брзо стигнување со автомобил.


Домаќинската куќа нуди комплетен оброк, од предјадење, до десерт, започнувајќи со слатко за добредојде и планинска изворска вода. С`е што ќе ве пречека на трпезата е од сопствено домашно производство и домашно подготвено-ракија, ликер од ореви или вишни, тиквички со лук и магдонос, пиперки пржени или печени, охридски домат, печурки во путер, домашно подготвено сирење (или позајмено од локални произведувачи- мини фармери кои си ја знаат работата), домашно вино- црвено и бело, комат со праз или блитва/ спанаќ набрани од сопствената бавчичка, збогатен со домашна изварка (урда) и домашни селски јајца, со сето ова се служи кисело млеко (овчо, козјо или кравјо), па на крај следува десерт направен од домашни продукти (ореви, јаболка, капини, малинки, јајца, млнеко...).

Во програмата не би смееле да ги заборавиме освежителните пијалоци за најмалите, дечињата, кои уживаат во компоти од праски, сливи, вишни или праски, сокче од дренки или планински чај.

Кога сме веќе кај најмалите, убаво е да се спомне дека во Рамне имаме двор со мини фарма кадешто дечињата слободно можат да погалат куче, пиле, кокошка, прасе, зајче, патка, потполошка... да брцнат раче во кокошарникот и да си земат јајце, да откорнат морковче и да нахранат зајак, да си играат со тестото и да сучат, а потоа со трпение да им го испечат нивното дело кое со сласт ќе го јадат.

Секако дека овој концепт не би бил толку успешна приказна в град зашто на неколку чекори од куќата ѕирка обработеното парче родна земја во која со радост ги поздравуваат плодовите на нивните посетители. Всушност, заедно со нивна вклученост се одвива бербата и месењето, с`е до крајниот продукт принесен на трпезата.


Тоа можеби е и најспецифичниот дел по кој би се издвојувале, кадешто гостинот има потполна слобода да се вклучи во секоја фаза од процесот на искуството. Ова е семејна приказна во која секој си има своја улога.

Гостите имаат чувство дека се на гости кај свои пријатели (барем така им кажуваат), тие не сме изоставен дел, напротив, тие го доживуваат нивното секојдневие.

Ова приказна можете да ја најдете на фејсбук под „Пирустија Неданоски“, со лого на пирустија, која е триножно железно столче на кое лежи сачот(вршникот), па оттука и нивноти официјално име, бидејќи с`е подготвува на пирустија под сач.

Тие се дел од платформата #genuinexperiences.


Прочитајте добра приказна:

Го напуштив Скопје за да отворам моја фарма во Преспа


Остави Коментар

Прочитајте повеќе

Есенска магија на пазарите во Македонија: мирис на костени, ајвар и насмевки

Откриј ја убавината на есенските пазари во Македонија – шарени тезги со тикви, пиперки за ајвар, костени и домашен мед. Приказна исполнета со љубов, традиција и локални вкусови.

Археотуризмот во Македонија – откријте го минатото додека уживате во природата

Истражете го археотуризмот во Македонија и доживејте ја историјата додека уживате во природата. Пешачки тури, авантура и автентични туристички искуства за сите возрасти.

Празнични денови – идеални за еднодневен излет низ Македонија

Искористете ги празничните денови за еднодневен излет низ Македонија. Откријте атракции, гастрономии и идеи за авантура на kajak.mk.

Кафе културата во Македонија – автентично искуство за секој турист

Откријте ја автентичната кафе култура во Македонија. Пробајте густо турско кафе, искусете го ритуалот на подготовка на песок во Старата скопска чаршија и почувствувајте ја душата на земјата.

Дониравме 350 килограми храна за бездомни кучиња и ја реализиравме првата тура со бездомни кучиња на нашиот нов тим билдинг со Singular

Тим билдинг преку кој Дониравме 350 килограми храна за бездомни кучиња и ја реализиравме првата тура со бездомни кучиња

Есенски моменти во Градскиот парк Скопје 2025

Локалните жители и туристите ја избираат зелената оаза во центарот на Скопје за пешачка прошетка, рекреација и визуелна инспирација во есенските денови.