Започнавме да организираме јога на вода

Пред околу една година тимот на Кајак.мк ве запозна со Ивона, нашата локална хероина од Охрид која е неуморна во својата работа и локалец кој се труди да создаде една поинаква летна сезона на Охридското Езеро.

Денеска сакаме да Ви ја споделиме новоста која Ивона заедно со својот тим од „СУП ОХРИД“ започнаа да ја реализираат.

Станува збор за оддржување на часови по јога на Суп даски на разни локации на езерото. Покрај тековните понуди како што се СУП тури со инструктор и часови по обука, Ивона вели дека ова е нешто сосема ново коешто за првпат се нуди во Охрид.
Локацијата за тоа каде ќе биде укотвена платформата е по желба на учесниците, а тие како организатори им предлагаат неколку мирни и спокојни локации каде ќе може да уживаат во зуците на природата и езерото.

Ивона ги охрабрува сите вљубеници во јогата и сите јога инструктори да им се приклучат на ова незаборавно искуство и да ја почувствуваат разликата помеѓу јога на тврд под и јога над вода.

Имено како дел од новостите кои ги нуди „СУП Охрид“ овде се и часовите за едрење на даска или Wind Surfing. Едрењето на даска настанува како спој на двата најпопуларни водни спортови, сурфањето и едрењето.

За сите кои сакаат да искусат нова адреналинска акција за едрење на даска, ова е одлична можност која создава чувство на слободно движење во ритамот на природата.

Воедно Ивона вели дека покрај овие новитети, зголемена е понудата со кајаци кои може да се користат за разни тим-билдинг активности, тренинзи и обуки.

Доколку сакате да ги погледете сите тури кои ги организираат и да стапите во комуникација со „СУП ОХРИД“ кликнете ОВДЕ.