Го одржуваме животот на Стара Воденица со вкусни специјалитети

Вевчани е дестинација позната по старите воденици кои се во функција. Доколку прошетате низ Вевчани сигурно ќе слушнете од локалните мештани дека во Вевчани се уште има воденици кои се во функција и кои им се на располагање на мештаните, а многу од рестораните кои се дел од гастро базата на Кајак.мк ги користат овие воденици.

Кога сме кај водениците, денеска ќе ве запознаеме со „Стара Воденица Октиси“ која веќе 7 години испишува своја вкусна гастро приказна. Ако размислувате каде да ги поминете пролетните викенди, тимот на Кајак.мк ве советува да си организирате една гастро тура низ Вевчани каде ќе вкусите разни специјалитети подготвени по рецептите на локалните баби.

Ресторанот „Стар Воденица“ од денеска е дел од базата на Кајак.мк. Домаќинот Томор кој ни ги отвори портите за светот на Кајак.мк вели дека оваа место е своевидна зелена оаза која се наоѓа помеѓу Октиси и Вевчани.

Уникатноста на самиот ресторан е местоположбата. Од едната страна се падините на Јабланица, а низ самиот ресторан поминуваат дел од вевчанските води кои призведуваат спокоен жубор додека вие уживате во вкусната храна.

Овој регион е познат по локалните специјалитети кои се подготвуваат на традиционален начин и според старите рецепти. За оние кои ќе се одлучат да го посетат ресторанот, тимот на Кајак.мк ги советува да вкусат јагнешки и телешки ребра во фурна, воденичарска плескавица со кајмак. Овде може да се вкусат и селски предјадења како кашаник, пиперки во кајмак, ајвар, макало и уште неколку предјадења, а за десерт исклучиво домашно благо.

Повеќе информации за локација, капацитет и контакт за резервација можете да најдете со еден клик ОВДЕ.