16.04.2021

Резервирајте го овој дом на 1250 мнв без апсолутно никој во соседството

Резервирајте го овој дом на 1250 мнв без апсолутно никој во соседството

Има денови кога не сакаме никој околу нас, едноставно бараме начин да побегнеме од хаосот и да се олабавиме од стресот. Како што изминуваат деновите, така и базата на Кајак.мк постојано расте со интересни сместувачки капацитети ширум државата.

Како што знаеме постојано да повторуваме, пандемијата нема да ви ги скрати патувањата, туку едноставно ќе ве фокусира да ги истражете помалите места во детали. Едно од тие места е „Јанков Камен“ .


Од денеска во нашата база е достапен и планинскиот дом „Јанков Камен“ кој може да го резервирате за вас и вашето семејство или вашите најблиски пријатели. Се наоѓа на 1250 метри надморска височина и е стациониран на планината Јабланица. Во непосредна близина на сместувањето има вештачко езерце кое му дава посебна убавина и можност за развој на активниот туризам.

Да не заборавиме дека ова сместување е идеално за луѓето кои практикуваат активности во природа. Возење велосипед, утринско трчање, планиско пешачење или секако планинарење.

Доста битен е факотот дека околу ова куќа нема апсолутно ништо, што ви дава можност за тотална изолација. Објектот располага со електрична енергија која се полни преку соларно напојување и што е најважно нема Wi-Fi. Овде ги полните вашите батерии, наместо батериите на вашиот лап-топ. Самиот дом има опција за рент-а-бајк и располага со 5 велосипеди.


Домот е оддалечен околу 4 километри од Вевчани или околу 20 минути со автомобил. Патот до самиот дом е доста солиден што значи дека можете до таму да појдете и со кола. Низ целиот предел има доста планински патеки за рекреација.


Наша препрака е доколку престојувате овде да го посетите Старца. Ова е рид со прекрасен поглед кон Вевчани и пошироката околина. Од неодамна овде има изградено видиковец.

Планинарскиот дом е изграден од камен и дрво, во склоп со околината има WC со туш кабина, комплетно опремена кујна, полунотворен камин, пријатна свежина дури и во најтоплите летни денови, електричната енергија се обезбедува преку соларни панели. Панорамски поглед кон прекрасна зелена широчина со пикник маси опкружен со висока букова шума од која се слушаат песните на птиците и жуборот на водата. Прекрасно место за почеток на некоја планинарска авантура. 

Домот кој од денеска е достапен за резервации, во него може да престојувате сами или пак доколку имате потреба може со вас да биде присутен и домарот.

Сакате повеќе информации и фотографии од внатрешноста, како и контакт за резервација? За повеќе инфо кликнете ОВДЕ.

Остави Коментар

Прочитајте повеќе

Започнавме со организирање на најдобриот лов на тартуфи во Македонија!

Лов на Тартуф во Македонија! Тури кои ќе ви променат мислењето за планината и моќта на планината

Апартмани во Преспа какви што ни требаа на секој од нас

Сместувањето се наоѓа во село Штрбово, што ви дава до можност да ги истражите и соседните села Љубојно, Брајчино, како и крајбрежјето на Преспанско езеро.

Дали знаете дека во Македонија се организираат Fly Fishing Тури?

Тимот на Кајак.мк е среќен што ваквите Fly Fishing Тури ги додава во својата база на туристички атракции, па не би сакале да слушнеме да речете дека во Македонија нема нови и уникатни атракции на кои можете да уживате.

Започнуваме со организирање на Рафтинг по Вардар или Црна Река

Рафтинг по Вардар и Рафтинг на Црна Река. Резервирајте авантура за цел тим.

Дали сте слушнале за ФИКА настаните кои се организираат во Скопје?

Идејата зад ФИКА е едноставна, но значајна: да се понуди креативно искуство во кое секој учесник може слободно да избере активност што му носи радост и внатрешен мир. Сликање со пастел и акварел, моделирање со самостврднувачка глина.

На Скопска Црна Гора отворен тренинг центар во природа

Центарот има затворен внатрешен дел со капацитет до 25 лица, како и надворешен простор до 40 учесници.