Цели 17 години подготвуваме вкусни жабји батаци за нашите гости

Тимот на Кајак.мк денеска ве води во општина Македонска Каменица каде што разговараше со домаќините на ресторанот Златина, кое е уште едно ново уникатно гастро ќоше во нашата база.

Од Кочани па се до Македонска Каменица, овој регион е познат по специјалитетите од жаби кои сè поретко може да се најдат на менито и на домашниот пазар.

Денеска, за жал, поради неконтролираниот лов на жаби, овој регион се соочува со недостаток на жаби, а за да се купи жабји батаци во Македонија, легално можете само од компанија која го врши увозот.

За оние кои сакаат да го вкусат овој специјалитет, тимот на Кајак.мк ви препорачува да го посетите ресторанот „Златина“ кој се наоѓа на магистралниот пат А3 од Кочани кон Делчево, а објектот е лоциран на самиот излез од Македонска Каменица.

Разговаравме со домаќинот Златко, кој за Кајак.мк вели дека угостителскиот објект има приказна стара 17 години. Причината која ги држи во живот се постојаните новитети кои ги внесуваат во работењето.

Некогашното „Златен Пријател“, а денеска „Златина“ на своите гости им овозможува разни специјалитети, фокусирајќи се на рибата. На прашањето што е она кое треба да се нарача од менито, Златко вели дека тоа е пастрмката и крапот кои се подготвуваат на специјален начин, но не се изоставуаат и жабјите батаци кои се секогаш на менито. Овде е и скарата која секогаш е свежа.

Денеска, ресторанот Златина има капацитет за 100 лица во затворен простор и 200 лица на отворено.

Доколку сакате повеќе информации, фотографии, како и контакт за резервација кликнете ОВДЕ.