Колипката со феноменален поглед кон браната Кнежево

Викторија Адраманова ни испрати прекрасни фотографии од една приватна викендица која се наоѓа во околината на браната Кнежево, дел од Осоговските планини.

Кнежево е распослано на пазувите на Осоговските планини во Злетовско-Кратовскиот регион. До браната Злетовица се стигнува со автомобил по модерно асфалтиран пат. Се поминува низ селото Злетово каде ќе бидете импресионирани од стара македонска архитектура, занаетчиски работилници во кои времето застанало.

Задолжително треба да пробате тазе топол леб испечен на букови дрва во фурна, злетовска пастрмајлија, чадено месо на леси. Штом ќе се упатите кон с. Кнежево ќе бидете фасцинирани од самата природа, чистиот воздух, тишината, флората и фауната.