Во Македонија се наоѓа еден од најубавите кампинг простори

За авантуристите кои сакаат да искусат нов кампинг предизвик, тимот на Кајак.мк ги информира дека од денеска во нашата база на приватни сместувања е достапен „Camp Ljubanista“ кој има свои бунгалови и шатори достапни за изнајмување. Ваше е само да понесете вреќа за спиење и основни средства за оджување на лична хигиена и секако да имате желба да останете на кампување од 3 до 5 дена, како што и налага неформалниот правилник на камперите ширум светот кои тврдат дека за да се почувствува магијата на природата, треба да се остане барем три дена.

Кампот се наоѓа во близина на село Љубаништа, покрај самото Охридско езеро и во подножјето на планината Галичица, што би рекле ние на вистинското место каде што се гушкаат планината и езерото.

Кампот се простира на 90,000 метри квадратни, а има песочна плажа долга 650 метри. Површината на кампот е рамна со сенки на голем број на дрвја. Самиот камп има сопствен маркет, голем паркин простор, тушеви со топла вода, електрична енергија за секој кампер.

Кампот нуди можност за изнајмување на: Камп приколка за 4 лица, изнајмување на шатор, изнајмување на голем бунгалов, изнајмување на мал бунгалов, има и ресторан и бар на плажа со лежалки и чадори за сонце. Кампот има нов авантуристички парк кој можат да го користат гостите на кампот, но и гости кои сакаат да го посетат авантуристичкиот парк.

За точната локација на кампот, повеќе фотографии, како и контакт за резервација можете да најдете со еден клик ОВДЕ.