На дното на Црно Море пронајдени најстари остатоци од грчки брод

Најстар, во целост недопрен остаток на грчки трговски брод кој датира од 400 година п.н.е. откриен е на дното на Црно Море, објавија членовите на англо-бугарската научна експедиција, пренесе Би-би-си.

„Никогаш не помислив дека е можно да се пронајде така добро зачуван остаток од брод од антички времиња и тоа на длабочина од само два километри“, изјави еден од лидерите на експедицијата, професорот Џон Адамс, директор на Центарот за поморска археологија на Универзитетот во Саутемптон.

„Ова откритие ќе го промени нашето разбирање за поморска конструкција и едрење од античко време“, додаде Адамс.

Експедицијата Црно Море МАП (Maritime Archaeology Project - Поморски археолошки проект) веќе три години го пребарува дното на Црно Море во должина од 2000 квадратни километри на бугарскиот брег со помош на сонари и возила на далечинско управување опремени со специјални камери наменети за истражување на морските длабочини. Оваа технологија претходно им била достапна воглавно на нафтените компании.

Извор: www.mkd.mk