Престојувајте во автентична Крушевска вила која е заштитена од градот

Во светот се повеќе се развива концептот за патување и престојување во приватни сместувања кои дишат историја. Сместувања кои и покрај различниот развој на историјата се уште го негуваат автентичниот стил. 

Крушево според нас е место кое вреди да го посетите и на лето и во зима. Кога е топло може да летате со параглајтер, а кога е мраз може да го посетите ски центарот.

Тимот на Кајак.мк настојува вашите одмори низ Македонија да бидат што е можно физички поактивни. Затоа и во преден план ни се сместувања на локации кои нудат доста атракции. Во Крушево освен скијањето, развиен е и планинарскиот велосипедизам, параглајдингот, возењето со кајаци, јавање коњи и ред други работи. 

Крушево има и својата историја, а покрај историјата има и својата верна архитектура. Оттука сакаме да се надоврзиме и со нашата нова вила која од денеска ја има во нашта база, а тоа е вила Верде.

Стара автентична крушевска куќа која е заштитена од градот во однос на надворешниот изглед. Внатре е целосно реновирана и приспособена за хостелско сместување со посебно внимание да не биде изгубен стариот домашен шмек. Покрај сместувачкиот капацитет, вилата располага со два огромни двора што е реткост за куќите во Крушево.  Вилата е недалеку од прекрасната борова шума и ски лифтот. 

Доколку сакате да прочитате повеќе информации за вилата, погледнете повеќе фотографии и извршите резервација, кликнете ОВДЕ.