13.07.2022
Тим билдинг во Струга што ќе го паметиме
Тим билдинг во Струга што ќе го паметиме
Секогаш кога некој ќе го спомне Куманово, ние во Кајак се потсетуваме на компанијата „Cargo Runner Co.“ која е одличен пример за тоа како треба да се мотивираат вработените и како компанијата да ги поттикнува да бидат активни во природа.
Ние сме среќни што токму оваа компанија го избра регионот на Струга како дестинација за викенд патување, а уште посреќни дека компанијата преку својот тим-билдинг им даде директна поддршка на многу наши локални херои кои животот го посветуваат на туризмот. Ова значи дека можеме да бидеме горди бидејќи викендов остваривме уште една директна поддршка на локалната економија.
За оние кои тврдат дека Струга нема понуди за исполнување на викендот, тимот на Кајак одлучи да им пркоси со агендата што ја реализиравме сите заедно.
Успеавме во само два дена да го запознаеме нашиот локален херој Ѓоко, кој својот живот го има посветено на едрењето. Тој нè научи на основните техники за управување на едрилица, а имавме среќа што ветрот беше поволен и ни овозможи незаборавно искуство на Охридското Езеро.
На нашата агенда го имавме и Коста Хиохи, човекот кој живее за кајакарење по Црн Дрим, а со негова помош успеавме да кајакариме до црквата Свети Илија која го краси езерото Глобочица. По активно кајакарење, нема ништо повкусно од ручек со свежа салата и скара во природа.
За да го подобриме и натпреварувачкиот дух на тим-билдингот, организиравме туринир во картинг на теренот на Пачо во Струга, а исто така имавме предизвик во барање на скриените одговори на неколку наши прашања поврзани со Вевчанските извори.
Програмата во Струга не би била целосна доколку го немавме ручекот во Вевчани кај нашата локална хероина Ефимија од Ресторанот Виа Игнација, за која дестинација велиме дека ќе остане меѓу нашите омилени гастро дестинации.
Им благодариме на
вработените од Cargo Runner Co. за позитивната енергија со која си заминавме од
Струга.
Преку овој тим-билдинг компанијата донираше нови 500 дрвца кои ќе бидат засадени за време на нашата есенска акција за пошумување.
Доколку сакате повеќе фотографии од настанот кликнете ОВДЕ, доколку сакате да ни испратите барање за тим билдинг, кликнете ОВДЕ.
Блог
Препораки
Прочитајте повеќе

Стилови на патување: глобални трендови и нивното значење за Македонија
Откријте ги најновите светски патувачки трендови и нивното влијание врз туризмот во Македонија. Од Coolcation и Calmcation до Slow travel и Voluntourism – доживејте автентични искуства, релаксација и длабока вредност во патувањето.

Тим-билдинг со подготовка на македонски тестенини со локални вкусови
Уште еден незаборавен тим-билдинг поминавме со енергичниот тим на Ludotech, каде што Кајак Агенција ја имаше честа да биде организатор на настанот. Настанот беше полн со позитивна енергија, смеење и инспиративна атмосфера.

Каде летуваа Македонците во 2025: Охрид и планинските дестинации повторно на врвот
Охрид и планините повторно прв избор за лето 2025. Македонците ја избраа природата, автентичноста и домашните искуства. Прочитај ја анализата на kajak.mk!

Новата генерација домаќини – младите што ја оживуваат Македонија
Младите домаќини во Македонија не градат само куќи за гости – тие создаваат автентични искуства што ја оживуваат руралната земја и туризмот. Откриј како нивната страст и посветеност го менуваат лицето на туризмот во нашата земја.

Дали некогаш сте слушнале за Опеница? Уникатно гастрономско искуство во XO Distillery & Farm
XO Distillery & Farm во Опеница нуди уникатно гастрономско искуство со домашна ракија и локална храна, во автентичен амбиент исполнет со македонска традиција.

Предлог викенд дестинација: Дрвени куќички со топло огниште и приватност
Идеален викенд во природа! Истражете дрвени куќички со камин, топло огниште и приватност за релаксација, пешачење и автентично планинско искуство.