Бигорски манастир слави 1000 години постоење

Бигорски манастир слави 1000 години постоење. Манастирот бил основан од страна на монахот Јован во 1020 година, а во XVI век манастирот бил разрушен од страна на отоманската власт и од целиот комплекс останал само мала црква. Кајак.мк ви препорачува да го посетите манастирот, но не за време на гужва, туку кога е пријатно да престој. Така ќе ја почуствувате традицијата и уметноста на самиот манастир. Воедно ви препорачуваме и места во околината во кои можете да престојувате, ги имате на крајот на текстот.

Од помениците исто така се дознава дека манастирот бил повторно обновен во 1743 година од страна на јеромонахот Иларион, кој бил и првиот игумен на Бигорскиот манастир во поново време.

Бигорскиот манастир го сочинуваат манастирската црква, која е посветена на Јован Крстител, костурницата, сместена до самата црква, сејменската одбранбена кула, комплексот манастирски конаци, како и новоизградените гостински конаци. Најубавиот украс во црквата и она по што е најпознат овој храм е секако прекрасниот и единствен од ваков вид во православието иконостас, врвно дело на мијачките копаничари, кои по својата вештина на обработка на дрвото останале ненадминати и до ден-денес. Тоа се прочуените Петре Филиповски – Гарката од село Гари, со својата тајфа, и Макариј Фрчковски од Галичник. Тие ова монументално дело го завршиле за зачудувачки кусо време, од 1830 до 1835 година.