Етно вила во Мариово за тотална изолација

Огромен број од патниците кои постојано читаат совети од нашиот тим, ни бараат изолирани објекти каде би можеле да се “сокријат“ од технологијата. Наш одличен еко совет е да ја посетите вилата „Тереза“ која да не бидеме погрешно сфатени, ама се наоѓа на “крајот“ на светот. Вилата се наоѓа во селото Зовиќ, Мариовско на 680 метри надморска височина и на 52 километри од градот Битола.

До самото село води асфалтен пат, а наш совет е да не избрзувате со посета и резервација, туку да причекате до месец април, кога овој предел го зафаќа пролетта и кога навистина има што да се прави.

Во текот на есенските и зимски денови, не ви препорачуваме да престојувате во селото освен на еден ден доколку сакате да го посетите „Стариот камен мост“ за кого ќе ви кажеме подоцна. Селото е со помалку од 20 жители, што ви дава до знаење дека е одлично место за потполна релаксација. 

Во вилата има две спални соби, дневен престој, опремена кујна, а сето ова е во етно, староградски амбиент. 

Во селото нема супермаркети и продавници. Етно куќата во центарот на селото работи за време на викендите и со претходна најава. 

Доколку сакате да добиете повеќе информации или да се запознаете со сопственикот Митко, можете да се јавите во работно време на: 071 206 757

Броеви за итни случаи во Македонија

192 Полиција
193 Пожарна
194 Брза помош