06.12.2020
Видов снег на Попова Шапка: Активирајте ги мускулите и прошетајте
Видов снег на Попова Шапка: Активирајте ги мускулите и прошетајте
Попова Шапка е веќе неколку дена по ред покриена со снежна покрива. Ова значи дека време е да го облечете вашиот скафандер и да појдете на планина. Дишењето на чистиот воздух нека биде вашата прва мотивација.
Јана Манева го искористи викендот за активност во природа. Нејзините фотографии испраќаат апел до сите дека викендот треба да го поминеме изолирани од гужбата и сокриени на некоја планина.
И покрај тоа што ски- центрите се уште не работат, не значи дека ние не треба да ги посетуваме.
Прошетката по белата покривка и зголемената физичка активност ќе ве ослободи од стресот и ќе ви помогне барем на миг да заборавите на сето она што се случуваше во текот на цела година. 
За оние кои се уште не се запознаени со овој ски центар еве ги основните информации.
Попова Шапка како туристички центар е познат по планинскиот туризам. Поседува 11 ски-лифтови во должина од 11.000 метри, со капацитет од 8000 скијачи на час и должина на патеката од околу 20 км. Ски патеките се погодни за сите нивоа на скијање, од почетници до професионалци.
Исто така, во текот на летото, се организира авантуристички туризам со професионални водичи за пешачење (Hiking) во најубавите места на Шар Планина.
Попова Шапка е најпознат зимски спортско-рекреативен центар во Република Македонија. Се одликува со голем број на сончеви денови и снежна покривка од октомври до мај. Погоден за сите скијачки дисциплини. Посебно е привлечен за скијачи професионалци и рекреативци. Попова Шапка располага со прекрасни скијачки терени со површина од 35 км2.
Наскоро ќе бидат објавени сите детали кои треба да ги знаете за престојната ски сезона.
Блог
Препораки
Прочитајте повеќе
Валандовчанката Гуна произведува слатко од лути пиперки
Кајак.мк денеска ве води во Валандово, град кој потсеќа на калинката, но отсега можеби некој од вас ќе го асоцира и на „Слатко од лути пиперки“.
Зоран Стојков од Демир Капија со нова винска станица во регионот
Зоран е роден во Демир Капија. Првиот контакт со винското производство го има во винарската визба во Демир Капија која редовно ја посетувал со желба да работи во неа.
Битолчанецот Ѓорѓи произведува тестенини со вкусот на Македонија
Некаде во Македонија ги нарекуваме јуфки, некаде како кори и губи, но без разлика на нивниот локален назив, тестенините кои и произведува Ѓорѓи имаат автентични вкусови од цела Македонија.
Ненад Лазаров од Пробиштип: Млад номадски пчелар со големи амбиции
Ненад Лазаров има своја уникатна приказна која вреди да се прочита до крај. За разлика од своите врсници кои на негови години се одлучуваат да ја напуштат државата, тој со својот татко неурно работи во креирањето на една успешна медена приказна која го носи називот Medlex.
Во Македонија се отвори сместување кое ќе ве зароби во планински спокој
Ве водиме во селцето Ехлоец, кое селце е уникатно по тоа што е единственото мијачко село од источната страна на Бистра-Стогово, на надморска височина од околу 1000 метри.
Даниела од село Буково го произведува најдобриот буковски пипер
Туристите кои ни доаѓаат во државата, ни коментираат дека Македонија го има задржано стариот добар вкус на сите природни состојки. Истите тие странски туристи ни потенцираат дека треба да направиме сѐ за да го зачуваме ваквиот вкус и да го промовираме насекаде во Европа.