Предлог викенд тура од Кајак.мк: Село Смилево: Историја и гастрономија во едно

За љубителите на историјата, за луѓето кои ја чествуваат македонската битка за слободна држава во која ќе живеат идните генерации, селото Смилево е идеална дестинација која ќе ве потсети на нашето минато.

Времето во село Смилево ко да застанало, сите локални продавници и ресторани го уживаат минатото, а локалните мештани кои живеат овде ќе ви раскажат многу случки од минатото кои можеби и нема да ги прочитате на друго место.

Авторско дело на: Petrovskyz

Село Смилево за нас е едно од најзначајните места бидејќи токму овде е оддржан Смилевскиот конгрес, а воедно е и родно место на големиот национален деец Даме Груев. Смилево е и идеална викенд дестинација. Овде навистина има што да се посети.

Доколку ви треба помош како да ја склопите вашата агенда, повелете предлог од Кајак.мк:

Пристигнувањето започнете го со посета на прекрасниот Мемориален музеј во кој се поставени меморијалната соба за Смилевскиот конгрес од 1903-та година, соба за Смилево во Илинденското востание, Спомен соба за животот и револуционерната дејност на Даме Груев, спомен соба за Партизанскиот одред „Даме Груев“ и етнолошка соба за Смилево.

Авторско дело на: Petrovskyz

По посетата на меморијалниот музеј, ви препорачуваме да се упатите пеш кон прекрасниот манастир Св. Петар и Павле, кој се наоѓа на прекрасна локација, а самата градба и двор на манастирот ќе ве остават без зборови. До манастирот има околу 20 минути пешачење.

По манастирот, пешачката тура ја продолжувате кон меморијалниот парк за Даме Груев кој се наоѓа во прекрасна природа и опкружен со многу дрвја, а по паркот турата ја комплетирате во локалниот ресторан Костенче, кој таинствено и гордо стои во Смилево и ги храни гостите со вкусна локална храна.

Авторско дело на: Petrovskyz

Доколку сакате да го погледнете ресторанот Костенче кој од денеска е дел од базата на Кајак.мк и да резервирате ручек, кликнете ОВДЕ.