Мала семејна винарија со фокус на органското производство

Органското одгледување на грозјето има се поголем замав во Европа, а Македонија како земја која е позната по виното е во фаза на постепено зголемување на своето производство на вакво вино кое во моментот држи висока цена на светскиот пазар.

Денеска, тимот на Кајак.мк ќе ве запознае со малата семејна винарија „Захарчев“ која е со седиште во срцето на Кавадарци, а која во моментот произведува вино исклучиво од балкански автохтони сорти грозје кои пак ги одлегува без користење на хемикалии.

Винаријата се наоѓа во Кавадарци, во близина на спортската сала, а регистрирана е во 2020-та година, кога измените на законот за винарии станаа реалност и им овозможија на малите производители конечно ја добија шансата да прераснат во нешто повеќе.

Фамилијата Захарчев отсекогаш проиведувала вино и ракија, а денеска нивото произвоство на вино е исклучиво од балкански автохтони сорти како Станушина, Пловдина, Темјаника, Вранец и Прокупец. Вранецот и Прокупецот покрај класичната верзија го произведуваат и во барикна верзија која стои до 15 месеци во дабови буриња.

Веќе втора година по ред винаријата има органско производство во преод што значи дека нема употреба на пестициди, хербидици и инсектициди при одлегувањето на грозјето.

Од денеска „Захарчев“ е дел од светот на Гастрономија, а локација и контакт од винаријата можете да најдете со еден клик ОВДЕ.