Дали сте го посетиле рибникот Тополник?

Покрај приватните сместувања кои од ден на ден ги има се повеќе, тимот на Кајак.мк неодамна започна со приклучување на гастрономски дестинации/објекти/локации кои вреди да ги посетите.

Причината поради којашто некои луѓе патуваат е храната. Оттука сакаме да Ве запознаеме со што е можно повеќе објекти кои не штедат на вкусот, а кои можете да ги контактирате и да резервирате маса преку нашата платформа.

Денеска ќе ве запознаеме со рибникот Тополник. Рибникот се наоѓа на 4 километри од Кочани и е опколен со прекрасна шума. Пролетниот и летниот период се идеални за да го посетите рибникот, поради фактот дека има простран тревен двор, во кој доколку имате деца тие ќе може да уживаат и да ја истрошат сета детска енергија.

Тимот на Кајак.мк разговараше со Павел кој ни ги отвори вратите од својот рибник и ни посака топло добредојде со чашка ракија и домашно овчо сирење за кое многумина коишто биле овде ќе се согласат дека е извонредно.

Главното јадење или специјалитет на кујната е секако свежата риба која ја ловат од базените на рибникот и ја подготвуваат во истиот момент. Но Павели вели дека овде е и прекрасната скара на жар и разните специјалитети приготвени на традиционален начин од тајните на тамошните мајстори во кујната.

Рибникот е прекрасно подзаскриено местенце, кое може да Ви овозможи прекрасен фамилијарен ручек или вечера. Како специјалитети од риба се издвојуваат пастрмката и крапот, а исто така како што рековме овчото сирење е нешто кое мора да се проба.

Доколку сакате контакт број од рибникот и точна локација, кликнете ОВДЕ.